హీరోయిన్ కీర్తి సురేష్ కనబడుటలేదు.. హీరో ఫిర్యాదు.. స్పందించిన హైదరాబాద్ పోలీసులు

మధ్యలో అలా..

కీర్తి సురేష్ చెప్పినట్టుగానే డైరెక్టర్ వెంకీ అట్లూరి మీద పగ తీర్చుకుంది. దుబాయ్ షెడ్యూల్‌లోనే సెట్‌లో దర్శకుడిని పరిగెత్తించి పరిగెత్తించి మరీ కొట్టింది. గొడుగుతో పొడిచేందుకు ప్రయత్నించింది. ఇక నితిన్ నీ వంతే మిగిలింది అంటూ కీర్తి సురేష్ వార్నింగ్ కూడా ఇచ్చింది.

తాజాగా అలా..

అయితే నితిన్ మీద పగ తీర్చుకునేందుకు బాగానే సమయం తీసుకుంది కీర్తి సురేష్. ఓ స్పెషల్ యాప్‌లో నితిన్ ఫోటోను మార్పింగ్ చేసిన పాట పాడుతూ డ్యాన్స్ చేసినట్టుగా చూపించింది. ఇక దీనిపై స్పందించిన నితిన్.. నీ సంగతి చెబుతా అన్నట్టుగా స్వీట్ వార్నింగ్ ఇచ్చాడు.

ట్రైలర్‌తో రచ్చ..

నితిన్ కీర్తి సురేష్ ఇలా ఎందుకు ఒకరి మీద ఒకరు కారాలు మిర్యాలు నూరుతున్నారో ట్రైలర్‌ను చూస్తే అర్థమైంది. అర్జున్ అను అనే పాత్రల్లోనే వీరు ఇంకా ఉన్నారని, అందుకే ఇలా టాం అండ్ జెర్రీలా ఫైటింగ్ చేసుకుంటున్నారని తెలుస్తోంది. అయితే తాజాగా నితిన్ షేర్ చేసిన ఓ పోస్ట్‌ తెగ వైరల్ అవుతోంది.

నితిన్ అలా..

తప్పిపోయింది.. కనబడుట లేదు.. డియర్ అను.. నువ్వు ఎక్కడున్నా రంగ్ దే ప్రమోషన్స్‌లో జాయిన్ అవ్వాలని మా కోరిక.. ఇట్లు నీ అర్జున్ అని కీర్తీ సురేష్ చిన్న నాటి ఫోటోను షేర్ చేశాడు. ఆ ఫోటోలో కీర్తి సురేష్ మరీ వింతగా ఉండటంతో తెగ వైరల్ అవుతోంది.

స్పందించిన పోలీసులు..

నితిన్ చేసిన ఈ పోస్ట్‌పై హైద్రాబాద్ సిటీ పోలీసులు స్పందించారు. అసలే ఈ మధ్య మీమ్స్, ట్రోలింగ్స్, కౌంటర్లు ఇవ్వడంలో తెలంగాణ పోలీసులు రాటు దేలారు. నితిన్ చేసిన మిస్సింగ్ పోస్ట్‌పై సిటీ పోలీసులు స్పందిస్తూ.. నితిన్ నువ్వేమీ బాధపడకు.. మీ వెతికి తీసుకొస్తాం.. జాగ్రత్తగా చూసుకుంటాం అని పోస్ట్ చేశారు.