రాజశేఖర్ కారు ప్రమాదంపై పోలీసుల రియాక్షన్.. షాకింగ్ కారణాలు

రాజశేఖర్ కారు ప్రమాదంపై పోలీసులు

రాజశేఖర్ కారు ప్రమాద స్థలానికి వెళ్లి పరిశీలించిన పోలీసులు ప్రాథమిక విచారణ చేపట్టారు. అతివేగం, నిర్లక్ష్యంగా డ్రైవ్ చేయడం కారణంగానే ఈ ప్రమాదం జరిగిందని చెప్పారు. ప్రమాదంపై కేసు నమోదు చేశామని, పూర్తి విచారణ జరిపాక తదుపరి సమాచారం అందజేస్తామని అన్నారు పోలీసులు.

Recommended Video

Hero Rajasekhar Met With A Car Mishap || హీరో రాజశేఖర్‌ కారు బోల్తా! ||

బెంజ్ కారు.. ప్రమాదం జరిగిన సమయంలో

ఔటర్ రింగ్ రోడ్డుపై రాజశేఖర్ కారు రోడ్డు ప్రమాదానికి గురైందని, పెద్ద గోల్కొండ టోల్ గేట్ వద్ద ఈ సంఘటన జరిగిందని పోలీసులు పేర్కొన్నారు. TS 07FZ 1234 నెంబర్ గల బెంజ్ కారులో రాజశేఖర్ ప్రయాణించారని, ప్రమాదం జరిగిన సమయంలో ఆ కారులో రాజశేఖర్ ఒక్కరే ఉన్నారని పోలీసులు చెప్పారు.

పోలీస్ స్టేషన్‌‌లో రాజశేఖర్ కారు

రాజశేఖర్‌కి చిన్నపాటి గాయాలు అయ్యాయని, ORR నుండి కారును తొలగించి పోలీస్ స్టేషన్‌కి తరలించామని పోలీసులు అన్నారు. కేసు నమోదు చేసి దర్యాప్తు చేస్తున్నామని ఈ సందర్బంగా పోలీసులు అన్నారు. తదుపరి వివరాలు త్వరలోనే వెల్లడిస్తామని చెప్పారు.

గతంలో కూడా ఇలాగే కారు ప్రమాదం

గతంతో కూడా రాజశేఖర్ ఇలాగే కారు ప్రమాదానికి గురయ్యారు. 2017 సంవత్సరం అక్టోబర్ 9న ఆయన కారు ప్రమాదానికి గురైంది. ఆ రోజు రాత్రి పీవీ ఎక్స్‌ప్రెస్ హైవేపై ప్రయాణిస్తున్న మరో కారుని తన కారుతో ఢీ కొట్టారు. రాజశేఖర్ ఆ రోజు తాగి డ్రైవ్ చేసినట్టు బాధితులు ఫిర్యాదు చేశారు. అప్పట్లో పోలీసులు డ్రంకన్ డ్రైవ్ పరీక్షలు నిర్వహించగా ఆయన తాగలేదని రుజువయ్యింది.