నేను కాపీ డైరక్టర్ కాదు!!

By Staff

Published: Friday, March 13, 2026, 0:26 [IST]

అంటున్నది మరెవరో కాదు ...బాలీవుడ్ లో గెలుపు జెండా ఎగరేస్తున్న మళయాళ మాంత్రికుడు ప్రియదర్శన్. ఆయన తీసే ప్రతీ సినిమా ఏదో ఒక సినిమాకి రీమేకో...కాపీయో కావటం ప్రతీసారీ సెటిల్ మెంటో ...గొడవో జరగటం కామన్ అయిపోయింది. ప్రస్తుంతం తారె జమీన్ పర్ ఫేమ్ దర్మీల్ సఫారీ ప్రధాన పాత్రలో చిల్డ్రన్ ఆఫ్ హెవన్ రూపొందించటానికి ప్లాన్ చేస్తున్నారు. దీని సందర్బంగా ఏర్పాటు చేసిన ప్రెస్ మీట్ లో మాట్లాడుతూ తాను ప్రేరణ పొంది చిత్రాలు రూపొందిస్తూంటానని ...దాదాపు అందరూ చేసేది అదేనని చెప్పుకొచ్చారు.

అలాగే చిల్డ్రన్ ఆఫ్ హెవెన్ చిత్రంలోని ముఖ్య పాత్రలను తీసుకుని కొన్ని కొత్త సన్నివేశాలు,పాత్రలు కలిపి చేస్తున్నానని మక్కీకి మక్కీ కాపీ కొట్టే రకాన్ని కాదని విమర్శకులకు సమాధానం చెప్పేరోజు వస్తుందన్నారు. ఇక ఈ చిత్రం అస్సామ్ బ్యాక్ డ్రాప్ లో జరుగుతుందని..జియా అనే క్యూట్ గా ఉండే చిన్న పాప దొరికిందని ఆమె సెంటర్ ఆఫ్ ఎట్రాక్షన్ అవుతుందని వివరించాడు . బేబి జియా ఈ చిత్రంలో జియా చెల్లిగా చేయనుంది.

More from Filmibeat