నేను ఇడియట్ ని కాను: మాధవన్

అమీర్ ఖాన్, షర్మాన్ జోషి, మాధవన్ కాంబినేషన్ లో రూపొందిన చిత్రం '3 ఇడియట్స్". ఈ చిత్రం పేరుకే '3 ఇడియట్స్" కానీ నేను ఇడియట్ ను కాను అంటున్నాడు. మాధవన్ సరదగా. అయితే ఈ చిత్రం క్రెడిట్ అంతా అమీర్ కే దక్కుతుందని, చిత్రం టికెట్లు అమీర్ ఖాన్ కోసమే అమ్ముడుపోతున్నాయని అంటున్నారు. అమీర్ రేంజ్ అది అంటున్నాడు మాధవన్. అమీర్ ఖాన్ తో కలిసి ఈ చిత్రం చేయడం ఎంతో ఆనందంగా ఉందని, ఇది ఒక మర్చిపోలేని అనుభూతి అని అంటున్నాడు.

'సఖి", 'చెలి" తెలుగు సినిమాల్లో నటించి ప్రేక్షకులకు దగ్గరైన మాధవన్ ప్రస్తుతం 'ఓం శాంతి" సినిమా షూటింగ్ తో బిజీగా ఉన్నారు. ఈ చిత్రం మల్టీస్టారర్ చిత్రం నవదీప్, నిఖిల్, కాజల్ అగర్వాల్, భిందు మాధవి నటుస్తున్నారు. ఈ చిత్రంలో మాధవన్ ఒక ముఖ్య పాత్రను పోషించనున్నారని సినిమా వర్గాల సమాచారం.