నకిలీ నయనతారను నమ్మొద్దు...

By Bojja Kumar

Published: Saturday, November 26, 2011, 15:21 [IST]

హీరోయిన్ నయనతారను ఓ విషయం ఈ మధ్య తెగ ఆందోళనకు గురి చేస్తోంది. దీంతో ఈ భామకు సరిగ్గా నిద్ర కూడా పట్టడం లేదట. అందుకు కారణం తన పేరుతో ఫేస్ బుక్, ట్విట్టర్ లలో నకిలీ అకౌంట్లు ఉండటమే. దీంతో తన ప్రమేయం లేకుండా తన పేరుతో అభిమానులకు తప్పుడు సంకేతాలు వెలుతున్నాయి. ఈ మధ్య ఇదీ మరీ ఎక్కువ కావడంతో తేరుకున్న నయనతార మీడియా ముందుకు వచ్చిన అసలు విషయాన్ని వెల్లడించింది. తనకు ఏ సోషల్ నెట్కర్క్ లోనూ అకౌంట్ లేదని...ఫేస్ బుక్, ట్విట్టర్ లలో దర్శనం ఇస్తున్నవి తనపేరుతో ఉన్న నకీలీ అకౌంట్లని వివరణ ఇచ్చింది. వాటిని నమ్మొద్దని అభిమానులకు వెల్లడించింది. తన పేరుతో నకిలీ అకౌంట్లు నిర్వహిస్తుండటంపై సైబర్ క్రైం ఫోలీసులకు ఫిర్యాదు చేసినట్లు వెల్లడించింది.

ఇకపోతే...తన తాజా సినిమా శ్రీరామ రాజ్యం మంచి హిట్ టాక్ రావడం, తను పోషించిన సీత పాత్రకు మంచి ప్రశంసలు దక్కడంపై నయనతార చాలా ఆనందంగా ఉంది. ప్రభుదేవ కాపురం కూల్చాననే అపవాదు ఎదుర్కొంటున్న నయన సీత పాత్ర చేయడం ద్వారా పవిత్రురాలుగా మనన్నలు అందుకుంటోంది. సినిమా షూటింగ్ సమయంలోనూ నయన చాలా పవిత్రంగా గడిపింది కూడా. త్వరలో ప్రభుదేవాను పెళ్లి చేసుకుంటున్న ఆమెకు.. కెరియర్ చివరలో ఇలాంటి విజయం దక్కడం నిజంగా అదృష్టమే...

More from Filmibeat