బాహుబలిపై అల్లు అర్జున్ ట్వీట్, యాంటీ ఫ్యాన్స్ ఎదురు దాడి!

హైదరాబాద్: రాజమౌళి దర్శకత్వంలో తెరకెక్కిన 'బాహుబలి' చిత్రానికి జాతీయ ఉత్తమ చిత్రం అవార్డు దక్కిన సంగతి తెలిసిందే. ఈ నేపథ్యంలో సినీ ప్రముఖులు నుండి ప్రశంసల వర్షం కురుస్తోంది. తాజాగా స్టైలిష్ స్టర్ అల్లు అర్జున్ కూడా ట్విట్టర్ ద్వారా శుభాకాంక్షలు తెలిపారు.

'బాహుబలి' చిత్రానికి జాతీయ అవార్డు దక్కడం చాలా ఆనందంగా ఉంది, తెలుగు సినిమాకు ఉత్తమ చిత్రం అవార్డు రావడంపై గర్వంగా ఫీల్ అవుతున్నాను. తెలుగు సినిమా పరిశ్రమ గర్వించాల్సిన సమయం ఇది. రాజమౌళిగారికి, అండ్ టీంకు థాంక్స్ అంటూ బన్నీ ట్వీట్ చేసారు.

'బాహుబలి' లాంటి గొప్ప చిత్రంలో నా ఫ్రెండ్స్ ప్రభాస్, రానా భాగమైనందుకు నిజంగా చాలా హ్యాపీగా ఉంది. తెలుగు సినిమా పరిశ్రమను మరో లెవల్ కి తీసుకెళ్లినందుకు రాజమౌళి గారికి థాంక్స్ అంటూ బన్నీ ట్వీట్ చేసారు. అయితే బన్నీ ట్వీట్ పట్ల కొందరు యాంటీ ఫ్యాన్స్ అభ్యంతరకర వ్యాఖ్యలు చేస్తూ ఎదురు దాడి చేయడం గమనార్హం. బన్నీ అంటే పడని వారే ఈ ట్వీట్స్ చేసారని తెలుస్తోంది.

బన్నీ ట్వీట్ తో పాటు ఇతర సెలబ్రిటీలు బాహుబలి సినిమా గురించి చేసిన ట్వీట్స్ స్లైడ్ షోలో....