Don't Miss!
- News ఇంటర్ కళాశాలకు వేసవి సెలవులు...ఎప్పటినుంచంటే..?
- Finance Shapoorji Pallonji IPO: షాపూర్జీ పల్లోంజీ గ్రూప్ నుంచి భారీ ఐపీఓ..
- Sports SRH Playing XI: ఆ బౌలర్పై వేటు.. గుజరాత్తో తలపడే సన్రైజర్స్ హైదరాబాద్ తుది జట్టు ఇదే!
- Travel నహర్ఘర్ కోట దెయ్యాల కోటగా ఎందుకు మారింది? ఈ స్టోరీ తెలిస్తే ఆశ్చర్యపోతారు!
- Lifestyle మనోడు ఎక్కడైనా తగ్గేదేలే అనిపించుకున్నాడు, అల్లు అర్జున్ కు అంతర్జాతీయ గుర్తింపు
- Automobiles రూ.5 లక్షల కంటే తక్కువ ధరలో బైక్ కావాలా.. ఇక్కడ చూడండి
- Technology ధర రూ.17999 కే 108MP కెమెరా, 6000mAh బ్యాటరీ, 6.78 అంగుళాల డిస్ప్లే 5G స్మార్ట్ఫోన్..!!
అందుకే భరత్ అంత్యక్రియలకు హాజరుకాలేదు.. రవితేజ.. జూనియర్ ఆర్టిస్టుతో తలకొరివి!
తన సోదరుడు భరత్ అంత్యక్రియలకు హాజరుకాలేను. చిధ్రమైన తన తమ్ముడి భౌతిక కాయాన్ని చివరి చూపు చూసి భరించలేను అని టాలీవుడ్ ప్రముఖ హీరో రవితేజ తన సన్నిహితులతో అన్నట్టు సమాచారం. రోడ్డు ప్రమాదంలో తన సోదరుడు భరత్ మరణించడంపై రవితేజ్, ఆయన కుటుుంబ సభ్యలు తీవ్ర షాక్ గురైనట్టు తెలుస్తున్నది. శంషాబాద్ మండలం కొత్వాల్గూడ ఔటర్ రింగ్ రోడ్డులో ఆగి వున్న లారీని ఢీకొట్టిన ప్రమాదంలో చనిపోయిన విషయం తెలిసిందే.
30 ఏళ్ల అనుబంధం.. భావోద్వేగం..
తన తమ్ముడి భరత్తో 30 ఏళ్ల అనుబంధాన్ని రవితేజ ఈ సందర్భంగా గుర్తు చేసుకొని భావోద్వేగానికి గురైనట్టు సమాచారం. కుటుంబ సభ్యులంతా కూడా తీవ్ర విషాదంలో మునిగిపోయారు. ప్రస్తుతం భరత్ అంత్యక్రియలకు కుటుంబ సభ్యులెవరూ కూడా హాజరుకాలేదని తెలిసింది.
షాక్ గురైన కుటుంబం
భరత్ మృతివార్తతో తీవ్ర దిగ్భ్రాంతికి గురయ్యాం. అంత్యక్రియలకు హాజరుకాలేం. తమ పరిస్థితిని అర్థం చేసుకోండి అని రవితేజ మీడియాను మిత్రులను కోరారు. దీంతో తొలుత ఉస్మానియా ఆస్పత్రికి తరలించిన భరత్ భౌతిక కాయాన్ని అక్కడి నుంచి నేరుగా మహా ప్రస్థానానికి తరలించారు.
సోషల్ మీడియాలో చర్చ
సినీనటుడు భరత్ అంత్యక్రియలకు ఆయన సోదరుడు రవితేజ సహా చాలా మంది కుటుంబీకులు హాజరుకాకపోవడంపై సోషల్ మీడియాలో విపరీతమైన చర్చకు దారి తీసింది. ప్రమాదంలో భరత్ ముఖం పూర్తిగా ఛిద్రమైపోయినందున అది చూసి మేం తట్టుకోలేమని, అందుకే అంత్యక్రియలకు రాలేనని రవితేజ ప్రకటించడంపై నెటిజన్లు ఆశ్చర్యం వ్యక్తం చేశారు. డ్రగ్స్,కు బానిసై, కుటుంబ సభ్యుల మాటలను పెడచెవిన పెట్టడం వల్లే.. అందరూ ఉండికూడా భరత్ అనాధలా పోవాల్సివచ్చిందనే చర్చకూడా నడుస్తున్నది.
జూనియర్ ఆర్టిస్టుతో తలకొరివి!
కుటుంబ సభ్యులెవరూ రాలేని పరిస్థితిలో భరత్ భౌతికకాయానికి ఓ జూనియర్ ఆర్టిస్టుచేత అంత్యక్రియలు జరిపించినట్లు సోషల్ మీడియాలో ప్రచారం జరుగుతోంది. ఇందుకోసం అతనికి రూ.1500 ఇచ్చినట్లు, పిల్లల స్కూలు ఫీజుల కోసమే అతనా పని చేయడానికి ముందుకొచ్చినట్లు, ఈ విషయం జూనియర్ ఆర్టిస్టే స్వయంగా చెప్పినట్లు ప్రచారం సాగుతున్నది.
అంత్యక్రియల పర్యవేక్షించిన రఘు
రవితేజ మూడో సోదరుడు రఘు అంత్యక్రియలను పర్యవేక్షించారు. అంత్యక్రియలకు నటులు ఉత్తేజ్, జీవిత రాజశేఖర్, ఆలీ, రఘుబాబు, కుటుంబ సభ్యులు, పలువురు సమీప బంధువులు, మిత్రులు మాత్రమే హాజరయ్యారు.