"మీరు మాట్లాడేది బూతులు కానప్పుడు నాదీ కాదు.... నాని మీద పగ లేదు’’

నానిని కించపరచలేదు

మొదటి సీజన్లో ఎన్టీఆర్‌ను చూసీ చూసీ ఒకరేంజిలో అలవాటు పడిపోయాం. బిగ్ బాస్ 1 నుండి ఆయన ఎప్పుడు వస్తారనే ఎగ్జైట్మెంటుతో కొన్ని కోట్ల మంది ఎదురు చూసిన రోజులు ఉన్నాయి. అలా నాని కోసం నేను ఎదురు చూడలేదు. ఏదైనా కానివ్వండి... నేను ఎన్టీఆర్‌కు పెద్ద ఫ్యాన్ అయుండొచ్చు. ఐఫోన్ వాడే వారికి మామలూ ఫోన్ ఎక్కదు, అలాగే నాని నాకు ఎక్కలేదేమో? అని మాత్రమే అన్నాను. నానిని కించపరుస్తూ మాట్లాడలేదు.

నాని అపార్దం చేసుకుంటే నేనేమీ చేయలేను

నాని స్టైల్ వేరు, ఎన్టీఆర్ స్టైల్ వేరు. వారిద్దరినీ కంపేర్ చేయలేమని చెప్పానే తప్ప....ఆయన్ను కించపరుస్తూ ఎక్కడా మాట్లాడలేదు. సోషల్ మీడియాలో కొందరు అలా పెట్టి హడావుడి చేస్తున్నారే తప్ప ఇందులో నిజం లేదు. నాని చేసిన ట్వీట్ మీద సంజన స్పందిస్తూ.... నాని అలా అపార్దం చేసుకుంటే నేనేమీ చేయలేను, ఎవరికీ సంజాయిషీ చెప్పాల్సిన అవసరం లేదు కాబట్టి అనుకుంటే అనుకోనివ్వండి. నాకు ఎన్టీఆర్, బాలయ్య బాబు అంటే పిచ్చి, జనాలు ఏమనుకున్నా ఫర్వాలేదు అని సంజన అన్నారు.

నాని మీద కోపం, పగ లేదు

ఈ సీజన్లో ఎన్టీఆర్ ఉంటారని అనుకున్నాను, కానీ నాని ఉన్నారు. ఆయన ఉంటే బావుండు అనుకున్నాను అని సంజన తెలిపారు. ఫస్ట్ డిసప్పాయింట్మెంట్ అక్కడే కలిగిందా? అని యాంకర్ ప్రశ్నించగా....సంజన స్పందిస్తూ... అలాంటిదేమీ లేదు, నాని కేవలం హోస్టింగ్ చేస్తున్నారు. నన్ను తీసేయడానికి కానీ, ఇంకేదో చేయడానికి ఏమీ లేదు. ఆయనకు రాసిచ్చిన స్క్రిప్టు చదువుతారే తప్ప ఆయనకు నా మీద... నాకు ఆయన మీద పగ, కోపం ఎందుకు? అని సంజన అన్నారు.

నేను మాట్లాడితే బూతు అంటే ఎలా?

ఒకరిని కించ పరిచేలా మాట్లాడాలని నాకు బిగ్ బాస్ చెప్పలేదు. ఎవరినీ డామినేట్ చేయాలని చెప్పలేదు. ఇతర ఇంటి సభ్యులకు కూడా అలా చెప్పలేదని నా ఉద్దేశ్యం. ఒక వేళ చెప్పుంటే అది గేమ్ అయుండొచ్చు. మీరు చేసింది గేమ్ అయినపుడు నేను చేసింది కూడా గేమ్ అని ఫీలవ్వాలి. మీరు మాట్లాడితే బూతు కానప్పుడు... నేను మాట్లాడితే దాన్ని బూతు అంటే ఎలా?... అంటూ బిగ్ బాస్ ఇంటి సభ్యుల తీరుపై తనదైన రీతిలో పైర్ అయ్యారు సంజన.