కాస్టింగ్ కౌచ్: వారి పేర్లు బయట పెడతానని చెప్పి... మాట మార్చిన హీరోయిన్!

రక్షణ కల్పిస్తామని హామీ ఇస్తే చాలా విషయాలు చెబుతా

ఇటీవల ఓ ఇంటర్వ్యూలో రీచా చద్దా స్పందిస్తూ తనతో పాటు, తన కొలీగ్స్ ఎంతో మంది లైంగిక వేధింపులకు గురయ్యారని, రక్షణ కల్పిస్తామన్న హామీ వస్తే, హార్వే వీన్ స్టెయిన్ ఘాతుకాల వంటివి ఎన్నో బయటకు వస్తాయని తెలిపారు.

పేర్లు బయట పెట్టాలని రీచాపై పెరిగిన ఒత్తిడి

రిచా చద్దా ఆ వ్యాఖ్యలు చేసినప్పటి నుండి ఆమెపై ఒత్తిడి పెరిగింది. మీకు రక్షణ కల్పిస్తాం, వారి పేర్లు బయట పెట్టాలని ఆమెకు ఫోన్లు, సందేశాలు వస్తుండటంతో.... ట్విట్టర్ ద్వారా వివరణ ఇచ్చుకున్నారు.

మాట మార్చిన రీచా చద్దా

నాకు ఏ రక్షణ అవసరం లేదు. 'నేను' అన్న పదాన్ని ఓ ఉదాహరణగా మాత్రమే ఇంటర్వ్యూలో వాడాను. ఇక ఈ అయోమయానికి స్వస్తి పలకండి. చెప్పుకోవడానికి నా దగ్గర ఏమీ లేదు. దయచేసి నన్ను ఒంటరిగా వదిలేయండి.... అంటూ రీచా చద్దా ట్విట్టర్ ద్వారా తెలిపారు.

నన్ను వదిలేయండి

కాస్టింగ్ కౌచ్ అంశంలో తాను బ్లాగులో ఆ వ్యాఖ్యలను తప్పుగా చేశానని, తనను వదిలేయాలని... ఈ సందర్భంగా రీచా చద్దా వేడుకోవడం గమనార్హం.