రివ్యూలపై బూతులు.. ప్రస్టేషన్‌లో వీరభోగ డైరెక్టర్.. చేతులెత్తేసిన హీరో శ్రీవిష్ణు..

శ్రీవిష్ణు పోస్టర్‌తో అభ్యంతరకంగా

‘ఫక్ రివ్యూస్' అంటూ బూతులు వాడుతూ సినీ విమర్శకుల మీద జుగుప్సాకరంగా వ్యాఖ్యలు చేయడం, అది కూడా తన పోస్టర్‌తో ఇలాంటివి చేయడం హీరో శ్రీవిష్ణుకు ఆగ్రహం తెప్పించింది. దర్శకుడు, చిత్ర బృందం వల్ల తన ఇమేజ్ డ్యామేజ్ కాకుండా నివారణ చర్యలు చేపట్టారు. దీంతో శ్రీవిష్ణు ఫోటోతో ఉన్న ఫక్ రివ్యూస్ పోస్టర్ తొలగించారు.

రివ్వూలను గౌరవిస్తాను అంటూ శ్రీవిష్ణు ట్వీట్

చిత్ర బృందం విడుదల చేసిన పోస్టర్లతో మాకు ఎలాంటి సంబంధం లేదు అనే విధంగా శ్రీవిష్ణు స్పందించారు. ‘వీర భోగ వసవంత రాయలు' సినిమా విషయంలో రివ్యూలను, అందరి అభిప్రాయాలను నేను గౌరవిస్తాను. త్వరలోనే నా నెక్ట్స్ ప్రాజెక్టుతో కలుద్దాం. మీ విషెస్ నాకెప్పుడూ ఉంటాయని ఆశిస్తున్నాను' అని ట్వీట్ చేశారు.

హిమాలయాలకు వెళుతున్నట్లు

ఇంటలెక్చువల్స్ అని ఫీలయ్యే రివ్యూవర్లకు నా సినిమా అర్థం కాలేదు అంటూ క్లాస్ పీకే ప్రయత్నం చేసిన ఇంద్రసేన... హిమాలయాలు నన్ను పిలుస్తున్నాయంటూ ట్వీట్ చేశారు.

అన్నా అని పిలిచిన వ్యక్తిని హౌలే అంటూ...

హిమాలయాలకు వెళుతున్నట్లు ఇంద్రసేన్ ట్వీట్ చేయడంతో.... ఓ అభిమాని ‘అంటే అండర్ గ్రౌండా?' అంటూ వెటకారంగా కామెంట్ చేశారు. దీంతో ఫ్రస్టేషన్‌కు గురైన ఇంద్రసేన అతడిని హౌలే అని సంభోధిస్తూ హిమాలయాలు అంటే టాప్ ఆఫ్ ది వరల్డ్. అంటే నేను కూడా టాప్‌లో ఉన్నానని అర్థం అంటూ వ్యాఖ్యానించారు. దీనిపై మరో నెటిజన్ స్పందిస్తూ ‘అన్నా అని పిలిచినోడిని హౌలే అని సంభోదించినపుడే నీ వ్యక్తిత్వం ఏమిటో అర్థం అయింది' అంటూ పంచ్ ఇచ్చాడు.