ఆ రెండూ అసహ్యం.. 'జీఎస్‌టీ-2'అక్కడ షూట్ చేస్తా..:రాంగోపాల్ వర్మ

అవంటే అసహ్యం:

'నాకు పెళ్లిళ్లు, అంత్యక్రియలు అంటే అసహ్యం. ఒకటేమో స్వేచ్చను చంపేస్తుంది.. మరొకటి శరీరాన్ని చంపేస్తుంది..' అని రాంగోపాల్ వర్మ తాజాగా తన ట్విట్టర్ లో ట్వీట్ చేశారు.

రజనీ పీఎం అయితే..:

'సూపర్ స్టార్ రజనీకాంత్ ఇండియాకు ప్రధానమంత్రి అయినప్పుడు మాత్రమే ఇండియా అమెరికాగా మారుతుంది. 2.0 నుంచి 200.జీరో స్థాయికి ఎదుగుతుంది.' అంటూ మరో ట్వీట్ కూడా చేశారు వర్మ.

వీటిపై పడ్డారన్నమాట..:

ఇన్నాళ్లు 'జీఎస్‌టీ'తో ట్వీట్ల మోత మోగించిన వర్మ.. 'జీఎస్‌టీ-2' మొదలుపెట్టేవరకు ఇప్పుడిలా పెళ్లిళ్లు, అంత్యక్రియలు.. రజనీపై పడ్డారన్నమాట. తనకు నచ్చిన అంశంపై నచ్చినట్లుగా తన అభిప్రాయాల్ని వ్యక్తం చేసే వర్మ కామెంట్స్ ను ఎప్పటిలాగే ఆయన ఫ్యాన్స్ భలే ఎంజాయ్ చేస్తున్నారు.

'జీఎస్‌టీ-2' షూటింగ్ అక్కడ..:

ఇక మరో ట్వీట్ లో 'జీఎస్‌టీ-2' గురించి ప్రస్తావిస్తూ.. ' జీఎస్‌టీ-1కి విరుద్దంగా జీఎస్‌టీ-2ని తెరకెక్కించబోతున్నాను. జీఎస్‌టీ-1 పూర్తిగా ఇండోర్ లో తీసింది. కానీ జీఎస్‌టీ-2 ఓ అందమైన ద్వీపంలో షూట్ చేయబోతున్నాం' అని స్పష్టం చేశారు.

'జీఎస్‌టీ-2' ఎలా ఉండబోతుందో:

జీఎస్‌టీ-1 విషయంలో ఎంతమంది ఎన్ని విధాలుగా వాదించినా వర్మను అడ్డుకోలేకపోయారు. ఎప్పటిలాగే సమాజం, సంస్కారం వంటి విషయాలు తన తలకు ఎక్కవని వర్మ కూడా మరోసారి నిరూపించాడు. జీఎస్‌టీ-1 తోనే జనాలను గగ్గోలు పెట్టేలా చేసిన వర్మ.. ఇక జీఎస్‌టీ-2తో ఇంకెలాంటి సినిమా చూపించబోతున్నాడో అన్న చర్చ మొదలైంది. చూడాలి మరి.. వర్మ జీఎస్‌టీ-2 బొమ్మ ఇంకెంత బోల్డుగా ఉండబోతుందో!