అది నా పర్సనల్, నేను ‘తానా’ కోసం రాలేదు, డిసప్పాయింట్ అవ్వొద్దు: రాజమౌళి

వాషింగ్టన్ వరకు వచ్చి ‘తానా'కు దూరంగా రాజమౌళి

రాజమౌళి వాషింగ్టన్ డిసి చేరుకోవడంతో... ఆయన ఈ సభలకు హారవుతున్నారనే ప్రచారం మరింత బలంగా జరిగింది. దీంతో చాలా మంది తెలుగు అభిమానులు తమ ఆఫీసులకు సెలవు పెట్టిమరీ రాజమౌళిని కలిసి ఆయనతో మాట్లాడేందుకు తానా సభలకు వెళ్లాలని నిర్ణయించుకున్నారు. అయితే అందరి ఆశలపై నీళ్లు చల్లుతూ రాజమౌళి తాను రావడం లేదని ప్రకటించారు.

పర్సనల్ పని మీద వచ్చిన రాజమౌళి

రాజమౌళి ఏదో వ్యక్తిగత పని మీద వాషింగ్టన్ డిసి వచ్చారట. అయితే తానా సభలకు హాజరయ్యారే సమయం లేక పోవడంతో ఈ నిర్ణయం తీసుకున్నట్లు తెలుస్తోంది. ఆయన వచ్చింది ఏ పని మీద అనే విషయం బయటకు వెల్లడి కాలేదు. తన సినిమా ‘RRR'కు సంబంధించిన పనిపై వచ్చినట్లు చర్చించుకుంటున్నారు.

అభిమానులకు సందేశం పంపిన జక్కన్న

తాను వస్తాననే ఆశతో ‘తానా' సభలకు వచ్చే అభిమానులు నిరాశ పడకుండా.... రాజమౌళి ముందస్తుగా ట్విట్టర్ ద్వారా సందేశం పంపారు. నేను వాషింగ్టన్ వచ్చింది నా పర్సనల్ వర్క్ మీద, తానా కోసం కాదు. నేను పెద్దన్న(కీరవాణి) మ్యూజిక్ షోకు కూడా హాజరు కాకపోవచ్చు. ఎవరూ నిరాశ పడకూడదనే ముందుగా ఈ విషయం చెబుతున్నట్లు తెలిపారు.

రాజమౌళి బిజీ బిజీ

రాజమౌళి ప్రస్తుతం రామ్ చరణ్, ఎన్టీఆర్ మల్టీ స్టారర్‌గా RRR చిత్రం తెరకెక్కిస్తున్న సంగతి తెలిసిందే. డివివి దానయ్య రూ. 350 కోట్ల బడ్జెట్‌తో ఈ చిత్రం రూపొందిస్తున్నారు. గ్రాఫిక్స్ వర్క్ సంబంధించిన పని మీదనే రాజమౌళి వాషింగ్టన్ వచ్చినట్లు తెలుస్తోంది.