పవన్ ని కాదు..వేరే హీరోని: రామ్

By Staff

Published: Friday, January 23, 2009, 11:46 [IST]

రామ్ అనగానే పవన్ కళ్యాణ్ ని అనుకరిస్తాడని అంతా అనుకుంటారు.కానీ అదేం కాదు..నేను జిమ్ క్యారిని అనుకరించటానికి సరదాగా అప్పుడప్పుడూ ప్రయత్నించానేమో కాని పవన్ ని అనుకరించను అంటున్నాడు రామ్. మస్కా చిత్రం ప్రమేషన్ లో భాగంగా రామ్ మీడియాతో మాట్లాడుతూ తనకిష్టమైన హీరో గురించి చెప్పుకొచ్చాడు. అందులో భాగంగా తనకు హాలీవుడ్ హీరో జిమ్ క్యారీ అంటే అత్యంత ఇష్టమని చెప్పుకొచ్చాడు. దానికి కారణంగా జిమ్ క్యారీ సినిమా ఒక ధియోటర్లో ఆడుతోందంటే ఆ సినిమా ఎలా ఉంది అని పట్టించుకోకుండా చూసే ప్రేక్షకులు ఉన్నారు.

అంటే జిమ్ ఏదో చేసే ఉంటాడనే భావన ప్రేక్షకుల్లో ఉంది. నేను కూడా టీవీ ఛానెల్స్ మార్చుతున్న సమయంలో జిమ్ సినిమా కనపడితే అక్కడే ఆగిపోయి సినిమా చూస్తాను. అంత గొప్ప నటుడాయిన. నాక్కూడూ ఆయనంత కాకపోయినా ఆ ఇమేజ్ తెచ్చుకోవాలని ఉంది.రామ్ సినిమా అంటే కచ్చితంగా అతను ఏదో ఒకటి చేస్తాడు...చక్కగా యాక్ట్ చేస్తాడని ప్రేక్షకులు అనుకుని నా కోసం సినిమా చూస్తే చాలు..దాని కోసం కష్టపడటానికి రెడీగా ఉన్నాను అంటున్నాడు అతను. అతను ఆశ నెరవేరాలని కోరుకుందాం.అలాగే ఆయన్ను అనుకరిస్తూ రెడీ చిత్రంలో ఓ పాటలో కనుబొమ్మలు పైకి ఎగరేసాను.గమనించిండి అంటున్నాడు.

More from Filmibeat