దూకడానికైనా, మునిగిపోవడానికైనా సిద్ధం: నాగబాబు స్పీచ్‌తో అభిమానుల్లో గూస్ బంప్స్!

నమ్మకం రావడానికి రెండున్నర సంవత్సరాలు పట్టింది

కళ్యాణ్ బాబు మీద పూర్తి నమ్మకం రావడానికి నాకు రెండున్నర సంవత్సరాలు పట్టింది. ఈ రోజు నేను మనస్పూర్తిగా చెబుతున్నాను... ఇలాంటి లీడర్ ఆంధ్రప్రదేశ్ రాష్ట్రానికి కావాలి. అలాంటి లీడర్ ఉంటేనే ప్రజలకు మంచి జరుగుతుందని తెలిపారు.

రాజకీయాలు అంటే అదొక ప్రాఫిటబుల్ ప్రొఫెషన్ అయిపోయింది

ఈ రోజు రాజకీయాలు అంటే అదొక ప్రాఫిటబుల్ ప్రొఫెషన్ అయిపోయింది. ఇండియాలో 80 శాతం అలానే ఉంది. 20 శాతం మంది మాత్రమే ప్రజల కోసం తపించే నాయకులు ఉన్నారు. అలాంటి వారిలో పవన్ కళ్యాణ్ ఒకరు. ఒక బ్రదర్ గా మాట్లాడటం లేదు.. ఆయనలో నాయకుడిని చూశాను కాబట్టి ఈ మాట అంటున్నా... అన్నారు.

పవన్ కళ్యాణ్ చెబితే దూకడానికి కూడా రెడీగా ఉండాలి

నేను ఎప్పుడూ పార్టీలోకి వస్తాను అనలేదు, పవన్ కళ్యాణ్ కూడా పిలవలేదు. ఓ రోజు నన్ను ఎన్నికల్లో ఎంపీగా నిలబడన్నారు. నిర్ణయం తీసుకోవడానికి నేను 12 గంటలు ఆలోచించి ఉండకూడదు. పవన్ కళ్యాణ్ అనే వ్యక్తి చెబితే దూకడానికి కూడా రెడీగా ఉండాలి... అని నాగబాబు తెలిపారు.

బ్లైండ్‌గా నమ్మాలి

నేను కళ్యాణ్ బాబును సంపూర్ణంగా నమ్ముతున్నాను. మనం ఎవరమైనా ఒక నాయకుడిని నమ్మడానికి, నాయకుడిని ఫాలో అవ్వడానికి సంవత్సరాలు పడుతుంది. ఒక్కసారి నమ్మిన తర్వాత వెనక్కి తిరిగి చూడకూడదు. బ్లైండ్ గా ఫాలో అవ్వాలి, అలాంటి ఫాలోవర్స్ ఏ పార్టీలో ఎక్కువగా ఉంటారో ఆ పార్టీ గొప్ప పార్టీ అవుతుంది, ఆ నాయకుడు గొప్ప నాయకుడు అవుతాడని తెలిపారు.

ఆయన ఏం చెబితే అది చేయాలి

పార్టీలోకి వచ్చిన తర్వాత నాకు ఎలాంటి ప్రశ్నలు లేవు. జనసేనను ఎలా నడపాలి? అని సలహాలు ఇవ్వను. ఆయన ఏం చెబితే అది ఫాలో అయి రిజల్ట్ చూపించే వరకే మనం చేయాలి. ఒక లీడర్ అనే వ్యక్తిని మనం ఫాలో అయితే ఏదైనా జరుగొచ్చు. దానికి ప్రిపేర్ అయినవారే రావాలి. మధ్యలో మాకు కన్వినెంటుగా ఉండాలంటే కష్టం అవుతుందని నాగబాబు వ్యాఖ్యానించారు.

మునిగిపోవడానికైనా, ఆయనతో కలిసి గెలవడానికైనా సిద్ధం

నేను దేనికైనా సిద్ధం, ఆయనతో కలిసి మునిగిపోవడానికైనా, ఆయనతో కలిసి గెలవడానికైనా సిద్ధం. అలాంటి మిలిటెంట్ యాటిట్యూడ్ నాకు ఉంది. నేను జనసేనలో ప్రశ్నించకుండా పని చేస్తాను. నాకు అప్పగించిన బాధ్యతలు సక్రమంగా నెరవేర్చడానికే ప్రయత్నిస్తాను.... అని నాగబాబు స్పష్టం చేశారు.