ఒత్తిడి ఉన్నప్పటికీ.. పవన్ కళ్యాణ్‌పై బండ్ల గణేష్ సంచలన ట్వీట్!

బండ్ల గణేష్ ట్వీట్

‘‘నిజాయితీ‌కి నిలువుటద్దం, మానవత్వానికి ప్రతిరూపం, మంచితనానికి మరో పేరు. నా దైవం, నా బాస్.. పవన్ కళ్యాణ్ గారిని ఆంధ్రప్రదేశ్ ముఖ్యమంత్రి‌గా చూడాలని నా ప్రగాఢమైన కోరిక. నా ఆశ, నా కోరిక నిజం చేయాలని రాష్ట్ర ప్రజలకు నా హృదయపూర్వక విజ్ఞప్తి.'' అంటూ బండ్ల గణేష్ ట్వీట్ చేశారు.

మీ నిజాయితీకి సలాం అంటూ...

కాంగ్రెస్ పార్టీలో ఉండి కూడా పవన్ కళ్యాణ్ గెలవాలని, ఆయనే సీఎం కావాలని కోరుకుంటున్న బండ్ల గణేష్ మీద అభిమానులు ప్రశంసల వర్షం కురిపిస్తున్నారు. ఎంత ఒత్తిడి ఉన్నా పవన్ కళ్యాణ్‌ను ఒక్క మాట కూడా అనని మీ నిజాయితీకి సలాం... అంటూ ఫ్యాన్స్ ట్వీట్స్ చేస్తున్నారు.

బండ్ల గణేష్ నిజమైన అభిమాని అంటూ...

‘‘నమ్మకం అనే పదానికి నిలువెత్తు నిదర్శనం మా బండ్ల గణేష్ అన్న. బాస్ పేరు చెప్పుకుని ఇండస్ట్రీలో ఎదిగిన వారు కూడా పక్క పార్టీకి సపోర్ట్ ఇస్తున్నారు. తెలంగాణ ఎన్నికల సమయంలో మీడియా వారు పవన్ కళ్యాణ్ పేరు ఎత్తితే లైవ్ నుంచి వెళ్లిపోతా అన్నాడు. అభిమానం అంటే అది'' అంటూ బండ్ల గణేష్ ట్వీట్‌ను పలువురు పికె అభిమానులు సమర్దిస్తున్నారు.

కొందరి నుంచి విమర్శలు..

"ఎలా ఉండే బండ్ల గణేష్ ఎలా అయిపోయాడు. ఏదేమైనా నీ మాటలను పట్టించుకునేవాడు లేడు, అసలు నీకే విలువ లేనప్పుడు ఇలాంటివి ఎన్ని పోస్టులు పెట్టినా దండగ" అంటూ కొందరు బండ్ల గణేష్ మీద విమర్శలు సైతం గుప్పించారు.