Don't Miss!
- News నామినేషన్ వేయనున్న వైఎస్ జగన్
- Sports హార్దిక్కు అంబానీ వార్నింగ్.. సంచలన నిర్ణయానికి సిద్ధం!
- Finance Adani-Birla: అదానీని టార్గెట్ చేసిన బిర్లా.. ఆ సిమెంట్ ఫ్యాక్టరీ కొనుగోలు..
- Automobiles ట్రాఫిక్లో ఉన్నప్పుడు ఈ పొరపాట్లు చేశారో.. ప్రమాదాన్ని కొని తెచ్చుకున్నట్లే.!!
- Technology Nokia 225 4G 2024 మోడల్ ధర, స్పెసిఫికేషన్లు మరియు డిజైన్ లీక్! వివరాలు
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
నన్ను కిడ్నాప్ చేశారు: ఆసక్తికర విషయాన్ని బయటపెట్టిన హేమ
హేమ.. మొన్నటి వరకు సినీ నటిగా అందరికీ పరిచయమైన పేరు. కానీ, పది రోజుల కిందట ఆమె బిగ్గెస్ట్ రియాలిటీ షో 'బిగ్ బాస్' కంటెస్టెంట్గా అడుగు పెట్టింది. ఇలా వెళ్లిందో లేదో.. వారం రోజుల్లోనే ఎలిమినేట్ అయిపోయి బయటకు వచ్చేసింది. ఎవరైతే తనను మానిటర్గా ఎన్నుకున్నారో.. వాళ్లే ఎలిమినేషన్ జోన్లోకి పంపించడంతో ఈ పరిస్థితి తలెత్తింది. దీనికితోడు, ప్రేక్షకుల నుంచి కూడా ఆమెకు ఓట్లు తక్కువగా పోలవడంతో, హేమ ఎలిమినేట్ అవ్వాల్సి వచ్చింది.
ఇక, హేమ 'బిగ్ బాస్' హౌస్ నుంచి బయటకు వచ్చేసిన తర్వాత వివాదాస్పద వ్యాఖ్యలు చేసిందని సోషల్ మీడియాలో కొన్ని వార్తలు వైరల్ అయ్యాయి. వాటినే పలు న్యూస్ చానెళ్లు సైతం ప్రసారం చేశాయి. అదే సమయంలో వెబ్సైట్లలో కూడా దీనికి సంబంధించిన వార్తలు ప్రత్యక్షమయ్యాయి. దీంతో హేమ మంగళవారం మీడియా సమావేశం ఏర్పాటు చేసింది. ఈ సందర్భంగా ఎన్నో విషయాలను వెల్లడించింది.
అసలు 'బిగ్ బాస్' హౌస్ నుంచి ఎందుకు వచ్చేసింది..? దానికి కారణం ఎవరు..? తదితర అంశాలపై ఆమె మాట్లాడింది. ''నన్ను ఫిల్మ్ ఇండస్ట్రీలో రెబెల్ పర్సన్ అంటారు. అలాగే నవ్వుల హేమ అని కూడా కొందరు పిలుస్తారు. ఇప్పుడు 'బిగ్ బాస్'లోకి వెళ్లడం వల్ల కాంటవర్శీ హేమ అని పిలిపించుకోవాలని లేదు. అందుకే నేనేమీ వివాదాస్పద వ్యాఖ్యలు చేయను. ఒకటి మాత్రం చెప్పగలను. నేను ఎలాంటి తప్పులు చేయకపోయినా ఎలిమినేట్ చేశారు'' అని ఆమె చెప్పుకొచ్చారు.
అలాగే, తాను ఎలిమినేట్ అయిన తర్వాత కొందరు కిడ్నాప్ చేశారని చెప్పారు. ''బిగ్ బాస్' షో నుంచి ఎలిమినేట్ అయిన తర్వాత ఒక్కరోజు వాళ్లు నన్ను కిడ్నాప్ చేసేశారు. ఎవరికీ కనిపించకుండా నన్ను దాచేశారు. తర్వాతి ఎపిసోడ్ టీవీలో ప్రసారం అయిన అనంతరం నన్ను బయటకు పంపారు'' అని హేమ వివరించారు. వీటితో పాటు హౌస్లో ఎవరెవరు ఎలాంటి వారన్న దానిపైనా కొన్ని వ్యాఖ్యలు చేశారు.