పవన్‌కళ్యాణ్ ఆత్మహత్యాయత్నం ఎందుకు? చిరంజీవి లైసెన్స్‌డ్ గన్ తోనే

హార్వర్డ్ బిజినెస్ స్కూల్లో:

అమెరికాలోని ప్రతిష్ఠాత్మక విశ్వవిద్యాలయం.. హార్వర్డ్ బిజినెస్ స్కూల్లో పవన్ ప్రసంగించటానికి వెళ్ళిన సంగతి తెలిసిందే. ఇండియన్ కాన్ఫరెన్స్ 2017 సందర్భంగా దాదాపు గంటసేపు మాట్లాడిన పవన్.. తన బాల్యం, విద్య, సామాజిక అవగాహన, సినిమాలు, రాజకీయాల్లో తన అనుభవాలను పంచుకున్నాడు.

ఆత్మహత్యకు కూడా:

ఇదే సందర్భం లో తన చదువూ, బాల్యం గురించి చెబుతూ, తాను ఒక సారి చనిపోవాలనుకున్నాను, ఆత్మహత్యకు కూడా ప్రయత్నించానని చెప్పటం తో ఒక్కసారి అంతా షాక్ తిన్నారు. చదువులో తానెప్పుడూ వెనకేనని, చదువు అస్సలు అబ్బేదే కాదని వెల్లడించాడు.

విపరీతమైన విసుగు:

పుస్తకాల్లో ఉన్నదానికి సమాజంలో జరుగుతున్నదానికి చాలా తేడాలను చిన్నప్పుడే గమనించానని, అది చూసి విపరీతమైన విసుగు పుట్టేదని, చదివేది, చూసేది వేరువేరని మనసుకు తెలుస్తుంటే, వాస్తవం చెప్పేవారు లేక తానెంతో మానసిక క్షోభను అనుభవించానని పవన్ చెప్పాడు.

ఆత్మహత్య చేసుకోవాలని:

తన జీవితంలో తీవ్రమైన ఒత్తిడికిలోనై పలుమార్లు ఆత్మహత్య చేసుకోవాలని భావించానని.. వాటిల్లో ఏ ఒక్కటి సక్సెస్ అయినా తానిక్కడ నిలబడి ఉండేవాడిని కానని., అలానే స్కూల్లో ఉన్నప్పుడు టీచర్లు తనను కొడుతూ ఉంటే ఒక్కోసారి తట్టుకోలేకపోయానని ఎన్నోసార్లు ఇక జీవితం వద్దని అనుకునేవాడట. .

టెన్త్ క్లాస్ నుండి ;

తన ఫ్రెండ్స్ అంతా పై చదువుల నిమిత్తం విదేశాలకు వెళుతుంటే.. తన మనసు బాధపడేదని.. తాను వెళ్లలేకపోయినందుకు భాదపడుతూండేవాడట పవన్. టెన్త్ క్లాస్ నుండి అన్ని క్లాసులూ తప్పుతూనే వచ్చానని అన్నారు. పుస్తకాల్లో చెప్పేది వేరు, వాస్తవంగా జరిగేది ఒకటని.. చెప్పేది ఒకటి, చేసేది ఒకటి అనే ఆలోచనలే ఎప్పుడూ మనసులో ఉంచుకునే వాడట.

చిరంజీవి లైసెన్స్‌డ్ గన్‌:

అందుకే తాను రాసిన పరీక్షల్లో విజయవంతంగా ఫెయిల్ అయ్యానని.. జీవితం ఎన్నో పాఠాలు నేర్పిందని చెబుతూ... ఒకానొక దశలో తన అన్న చిరంజీవి లైసెన్స్‌డ్ గన్‌తో కాల్చుకుని చనిపోదామనుకున్నానని చెప్పాడు. అయితే అదృష్టం కొద్దీ పవన్ ప్రవర్తనని గమనించిన కుటుంబ సభ్యుల కౌన్సెలింగ్‌తో ‘ఆత్మహత్య' ఆలోచనలను విరమించుకున్నాడట.

జాతీయ సమగ్రతకే :

ఆ తర్వాత నెమ్మది..నెమ్మదిగా సమాజంపై అవగాహన పెంచుకున్నానని తన దృక్పదమే మారిపోయిందనీ చెప్పిన పవన్. , జనసేన పార్టీ ఎప్పుడూ జాతీయ సమగ్రతకే ప్రాధాన్యం ఇస్తుందని ఇదే ఉద్దేశ్యం పార్టీలో ఎప్పటికీ ఉంటుందనీ వేదిక మీద చెప్పాడు.

ఆక్స్ఫర్డ్ యూనివర్శిటీ :

పవన్ కళ్యాణ్ ఈవిషయాలను ఉద్వేగభరితంగా మాట్లాడుతున్నంతసేపు ‘పవర్ స్టార్ పవర్ స్టార్' అరుపులతో బాగా చదువుకునే విద్యార్ధులు ఉండే ఆక్స్ఫర్డ్ యూనివర్శిటీ ప్రాంతం కూడ దద్దరిల్లి పోవడం విశేషం. అంటే ఇక్కడే కాదు విదేశాల్లో ఉండే ఎన్నారైలలోనూ పవన్ మీద ఎంతో కొంత హోప్ ఉందన్నమాట.