అఫీషియల్: త్రిష ఎంగేజ్మెంట్ డేట్ ఫిక్సయింది

హైదరాబాద్: హీరోయిన్ త్రిష పెళ్లి వార్తలు గత కొంతకాలంగా వినిపిస్తున్న సంగతి తెలిసిందే. పారిశ్రామికవేత్త, తమిళ నిర్మాత వరుణ్‌ మణియన్‌ తో ఆమె ప్రేమలో పడిందని, అతన్ని త్వరలో పెళ్లి చేసుకోబోతోందని ఆ వార్తల సారాంశం. తాజాగా తన పెళ్లి విషయాన్ని త్రిష ట్విట్టర్ ద్వారా ధృవీకరించింది.

‘నా ఫ్రెండ్స్, నా అభిమానులు మరియు మీడియాకు నేను ఓ విషయం చెప్పదలచుకున్నాను. జనవరి 23న వరుణ్ తో నా ఎంగేజ్ మెంట్ జరగనుంది. ఈ కార్యక్రమం చాలా ప్రైవేటుగా నా కుటుంబ సభ్యుల మధ్య జరగనుంది. నా పెళ్లి డేట్ గురించి ఎలాంటి వార్తలు రాయొద్దు. ఇంకా ఫిక్స్ కాలేదు. డేట్ ఫిక్స్ అయ్యాక నేనే చెప్తాను.' అని ట్వీట్ చేసింది.

‘నేను సినిమాలకు దూరం అవుతున్నట్లు ఏమీ చెప్పలేదు. మరో రెండు చిత్రాలకు కూడా సైన్ చేయబోతున్నాను. ఈ సంవత్సరం విడుదలయ్యే నా సినిమాలపై దృష్టి సారించాను' అని త్రిష స్పష్టం చేసింది.

తనకు కాబోయే వాడితో కలిసి ఇటీవల నార్తిండియా టూర్ కూడా ఎంజాయ్ చేసింది త్రిష. కాబోయే భార్య త్రిష, ఆమె స్నేహితులను వరుణ్ మణియన్ లక్షలు ఖర్చు చేసి ప్రత్యేక విమానంలో తీసుకెళ్లడం గమనార్హం. అంతా కలిసి ఆగ్రాలోని తాజ్ మహల్ తో పాటు ఢిల్లీలోని మరికొన్ని ప్రదేశాలు సందర్శించారు. అందుకు సంబంధించిన ఫోటోలు స్లైడ్ షోలో..