ఆఫర్ల కోసం పడక గదుల్లోకి దూరను.. కొందరు ఎంతకైనా దిగజారుతారు.. ఇలియానా సంచలన వ్యాఖ్యలు

నాది ఆ టైపు కాదు

సినీ ఆఫర్ల కోసం పడక గదుల్లోకి వెళ్లే టైపు నాది కాదు. అవకాశాల కోసం కొందరు ఎంతకైనా దిగజారుతారు. ఛాన్సులు ఇవ్వమని ఎవరినీ ప్రాధేయపడను. అందుకే అవకాశాళు తగ్గాయి తప్ప మరో కారణం కాదు అని ఇలియానా ఇటీవల ఓ మీడియాతో చెప్పినట్టు సమాచారం.

చీప్ పాత్రలు వేయను

అవకాశాలు లేకపోయినా సరే కానీ ఏ పాత్ర పడితే అది చేయను. డబ్బుల కోసం నాసిరకం పాత్రలు ధరించను. అలా చేయడం ద్వారా తనకు ఉన్న ప్రతిష్ఠ దెబ్బ తింటుంది అని ఇలియానా పేర్కొన్నట్టు తెలిసింది.

సినిమా అవకాశాలు లేక..

దేవదాసు లాంటి భారీ హిట్‌తో టాలీవుడ్‌లోకి దూసుకొచ్చిన ఇలియానా ఆ తర్వాత తెలుగు చిత్ర పరిశ్రమలో టాప్ హీరోల పక్కన నటించింది. భారీ హిట్లను సొంతం చేసుకొన్నది ఇలియానా. పరిశ్రమలో తనకన్నా వయస్సులో పెద్ద హీరోయిన్లు కూడా రాణిస్తుంటే ఇలియానా మాత్రం ఈ మధ్య కాలంలో ఒక్క సినిమా చేసిన దాఖలాలు లేవు.

ప్రియుడితో సరదాలు..

బాలీవుడ్ అవకాశాలపై దృష్టిపెట్టి ముంబైకి మకాం మార్చిన గోవా సుందరి ప్రస్తుతం ఆస్ట్రేలియా ఫొటోగ్రాఫర్ అండ్రూ నీబోన్‌తో అఫైర్ కొనసాగిస్తున్నట్టు వార్తలు వచ్చాయి. వారిద్దరూ కలిసి మొనాకో, బాలీ, లండన్, న్యూయార్క్ సిటీలలో హాలీడేస్‌ను ఎంజాయ్ చేసినట్టు వార్తలు వచ్చాయి. ఇటీవల ఇలియానా తన ప్రియుడు అండ్రూతో కలిసి హాట్ హాట్ ఫొటో షూట్‌లో పాల్గొనగా, ఆ ఫొటోలు సోషల్ మీడియాలో వైరల్‌గా మారాయి. ప్రస్తుతం అండ్రూ, ఇలియానా మధ్య బ్రేకప్ జరిగినట్టు వార్తలు వెలువడుతున్నాయి.