ప్రభాస్ లాంటి అల్లుడే కావాలి: పెళ్లిపై అనుష్క తల్లి ఆసక్తికర కామెంట్స్!

అనుష్క పెళ్లి గురించి పూజలు

ఒక తల్లిగా తన కూతురు అనుష్కకు త్వరగా పెళ్లి కావాలని కోరుకుంటున్న ప్రఫుల్లా వెట్టి ఆలయాల్లో పూజలు సైతం నిర్వహిస్తున్న సంగతి తెలిసిందే. ఇందుకు సంబంధించిన దృశ్యాలు సైతం మీడియాకు చిక్కాయి.

ప్రభాస్ లాంటి మిస్టర్ పర్‌ఫెక్ట్ అల్లుడుగా కావాలి

ప్రభాస్- అనుష్క పెళ్లి చేసుకోబోతున్నట్లు వస్తున్న వార్తలపై ప్రఫుల్లా శెట్టి స్పందించారు. ‘ఇద్దరూ కలిసి చాలా సినిమాల్లో నటించారు. నాకు కూడా ప్రభాస్ లాంటి మిస్టర్ పర్‌ఫెక్ట్ అనుష్కకు భర్తగా దొరికాలని ఉంది, కానీ వారిద్దరూ స్నేహితులు మాత్రమే. పెళ్లి చేసుకునే ఆలోచన వారికి లేదు. ఇకనైనా ఈ రూమర్స్‌కు తెరదించండి' అని వ్యాఖ్యానించారు.

అనుష్క సైతం తేల్చి చెప్పింది

ప్రభాస్‌ను పెళ్లాడబోతున్నట్లు వస్తున్న వార్తలను అనుష్క సైతం గతంలో ఖండించారు. బాహుబలి-దేవసేన కెమిస్ట్రీ నిజ జీవితంలో ఆశించవద్దు. అది కేవలం సినిమాకే పరిమితం. మేమిద్దరం పెళ్లి చేసుకోవడం లేదని అని తేల్చి చెప్పారు.

మరి ఎవరిని పెళ్లాడబోతున్నారు?

అటు ప్రభాస్‌తో పాటు ఇటు అనుష్క కూడా పెళ్లి వయసు దాటి చాలా ముందుకు వెళ్లారు. తాము ఇద్దరం పెళ్లి చేసుకోవడం లేదని చెబుతున్న ఈ స్టార్స్.... ఎవరిని పెళ్లాడబోతున్నారు? అసలు పెళ్లి చేసుకునే ఉద్దేశ్యం ఉందా? అనే విషయంలో కూడా క్లారిటీ ఇవ్వడం లేదు.

సినిమాల విషయానికొస్తే..

సినిమాల విషయానికొస్తే ప్రభాస్ ప్రస్తుతం ‘సాహో' మూవీ షూటింగులో బిజీగా గడుపుతున్నారు. అనుష్క ‘భాగమతి' తర్వాత ఏ సినిమాకు కమిట్ కాలేదు. త్వరలో ఆమె చంద్రశేఖర్ యేలేటి తీయబోయే లేడీ ఓరియెంటెడ్ సినిమాలో నటించే అవకాశం ఉందని వార్తలు వినిపిస్తున్నాయి.