వావ్ రొమాంటిక్! (ఇద్దరమ్మాయిలతో న్యూ ట్రైలర్ వీక్షించండి)

By Bojja Kumar

Updated: Wednesday, April 24, 2013, 17:47 [IST]

హైదరాబాద్ : స్టైలిష్ స్టార్ అల్లు అర్జున్, ప్రముఖ దర్శకుడు పూరి జగన్నాథ్ కాంబినేషన్లో రూపొందుతున్న 'ఇద్దరమ్మాయిలతో' చిత్రంపై అంచనాలు రోజురోజుకు పెరిగిపోతున్నాయి. ఈ చిత్రం యాక్షన్ అండ్ రొమాంటిక్ ఎంటర్ టైనర్ ఉన్నత సాంకేతిక విలువలతో రూపొందుతోంది.

కొన్ని రోజుల క్రితం విడుదలైన ప్రోమోలో అల్లు అర్జున్ అదిరిపోయే యాక్షన్ సన్నివేశాలు చేయడంతో ఈ సినిమా యాక్షన్ ప్రధానంగా రూపొందుతోందని అంతా అనుకున్నారు. కానీ తాజాగా విడుదలైన ప్రోమోలో అల్లు అర్జున్, అమలపాల్, కేథరిన్ మధ్య ఉన్న రొమాంటిక్ సన్నివేశాలు వావ్ అనిపించేలా ఉన్నాయి.

ఇక్కడ క్లిక్ చేసి ప్రోమోను వీక్షించండి

'ఇద్దరమ్మాయిలతో' చిత్రం ఆడియో ఈ నెల 28న విడుదలకు సిద్ధం అవుతున్న సంగతి తెలిసిందే. హైదరాబాద్ లోని శిల్పకళా వేదికలో ఈ కార్యక్రమం జరుగనుంది. ఈ ఆడియో వేడుకకు పవర్ స్టార్ పవన్ కళ్యాణ్ ముఖ్య అతిథిగా హాజరవుతారని తెలుస్తోంది. అయితే ఇది అధికారికంగా ఖరారు కావాల్సి ఉంది.

ప్రస్తుతం ఇద్దరమ్మాయిలతో చిత్రం అన్నపూర్ణ స్టూడియోలో పాట చిత్రీకరణ జరుపుకుంటోంది. గబ్బర్ సింగ్ నిర్మాత బండ్ల గణేష్ ఈ చిత్రాన్ని భారీ బడ్జెట్‌తో నిర్మిస్తోంది. ఈ చిత్రానికి ఛాయాగ్రహణం: శ్యామ్‌.కె.నాయుడు, నృత్యాలు: దినేష్‌, కళ: చిన్నా, కూర్పు: ఎస్‌.ఆర్‌.శేఖర్‌, సంగీతం: దేవిశ్రీ ప్రసాద్‌. కో-రైటర్స్: బి.వి.ఎస్. రవి, కళ్యాణ్‌ వర్మ, నిర్మాత: బండ్ల గణేష్, దర్శకత్వం: పూరి జగన్నాథ్.