Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
డమ్మీ ఇలియానాకు అంత సీన్ లేదంట....!
గోవా బ్యూటీ ఇలియానాకు సినిమాలు లేకపోయినా గొప్పలు మాత్రం బాగానే చెబుతోంది. పైగా బాలీవుడ్ నటి ప్రియాంకా చోప్రాతో తనని తాను సమానంగా పోల్చుకుంటోంది. సౌత్ లో ఇంచుమించు తన దుకాణం ఖాళీ చేసేసిన ఇలియానా ప్రస్తుతం అనురాగ్ బసు దర్శకత్వంలో 'బర్ఫీ" అనే హిందీ సినిమాలో నటిస్తున్న సంగతి తెలిసిందే. రణబీర్ కపూర్, ప్రియాంకా చోప్రా ప్రధాన పాత్రలు పోషిస్తున్న ఈ చిత్రంలో ఇలియానా సెకండ్ హీరోయిన్ గా చేస్తోంది.
ఈ సినిమాలో ప్రియాంకా మానసిక వికలాంగురాలి పాత్రను పోషిస్తూ, మిగతా వాళ్లను డామినేట్ చేసే విధంగా ఉన్నత స్థాయిలో నటిస్తోందని అంటున్నారు. షూటింగులో ఆమె నటనను చూసిన వాళ్ళంతా ఆమెకు అవార్డ్ గ్యారంటీ అంటూ కాంప్లిమెంట్స్ ఇస్తున్నారు. ఇది చూసి, ఇలియానా అప్ సెట్ అవుతోందట. క్రెడిట్ అంతా ఆమెకే వెళ్ళిపోయేలా వుందని భావించి, ఇప్పుడు గొడవపెడుతోందని అంటున్నారు. తన పాత్రకు ఇంపార్టెన్స్ పెంచమని దర్శకుడిని డిమాండ్ చేస్తోందట. దర్శకుడు మాత్రం పెంచేది లేదని తెగేసి చెప్పేస్తున్నాడు.
దానికి తగ్గట్టుగా ఇందులో ఇలియానాది డమ్మీ పాత్రేనని వార్తలొస్తున్నాయి. అయితే, ఆ వార్తలను ఇలియానా ఖండిస్తోంది. 'కథలో నా పాత్రకు చాలా ప్రాధాన్యత వుంది. అసలు ఎవరిది లీడ్ రోల్ అనేది కూడా చెప్పలేం. ఇద్దరి పాత్రలూ సమాన ప్రాధాన్యతతో వుంటాయి' అంటూ కొట్టిపారేస్తోంది. ఇది విన్నా వాళ్లు మాత్రం 'నీకంత సీను లేదు తల్లీ" అంటూ నవ్వుకుంటున్నారు.