ఇలియానా పై దాసరి కన్ను

టాలీవుడ్ లో అత్యధిక పారితోషికం అందుకుంటున్న హీరోయిన్ గా వెలుగొందుతున్న నాయిక ఇలియానా. తన అందాలతో ప్రేక్షకులకి 'కిక్' ఎక్కించే ఇలియానా ప్రస్తుతం 'సలీం', 'రెచ్చిపో' చిత్రాలతో బిజీగా వుంది. అలాగే జూనియర్ ఎన్టీఆర్ సరసన ఓ చిత్రంలో నటించబోతోంది. ఇలా వరుస అవకాశాలతో దూసుకుపోతున్న ఇలియానాకు ఓ అరుదైన అవకాశం దక్కింది.

తాజాగా దర్శకరత్న దాసరినారాయణ రావు తీయబోతున్న ఓ లేడీ ఓరియెంటెడ్ చిత్రంలో ఇలియానా నటించబోతున్నట్టు సమాచారం. దాసరి దర్శకత్వ పర్యవేక్షనలో రూపొందుతున్న ఈ చిత్రాన్ని డి.రామానాయుడు నిర్మిస్తున్నారు. కథా చర్చలు పూర్తయిన ఈ చిత్రం దసరాకి ప్రారంభంకానున్నట్టు సమాచారం. ఇంత వరకూ గ్లామర్ పాత్రలకే పరిమితమైన ఇలియానా ఈ లేడీ ఓరియెంటెడ్ చిత్రంలో ఏ మేరకు ఆకట్టుకుంటుందో చూడాలి.