బాధలో సూపర్ స్టార్.. మొదటి భార్య వద్దకు వెళ్లే పరిస్థితి కాదు, మహేష్ బాబు ఇల్లే బెటర్!

కృష్ణగారు అన్నింటి మీద ఆశ వదులుకున్నారు

కృష్ణగారు తన ఆరోగ్యాన్ని కూడా లెక్కచేయడం లేదు. ఆయన ఈ స్థితిలో ఎక్కువ దు::ఖపడకూడదు, ఆందోళన చెందకూడదు, ఎక్కువగా ఏడవకూడదు, విశ్రాంతి లేకుండా ఉండకూడదు. వేళ ప్రకారం ఆయన తీసుకోవాల్సినవి తీసుకోకుంటే ప్రాణాలకే ముప్పు. ఆ విషయం తెలిసి కూడా ఏడుస్తున్నారంటే ప్రాణం మీద ఆశ వదిలేశారనుకోవాలి... అని ఇమంది రామారావు వ్యాఖ్యానించారు.

మొదటి భార్య దగ్గర ఉండే పరిస్థితి లేదు

కృష్ణగారి మొదటి భార్య ఉంది కదా, అక్కడికి వెళ్లిపోవచ్చుకదా అని కొందరు అనొచ్చు... కానీ ఇందిరా దేవిగారు కృష్ణగారిని చూసుకునే పరిస్థితులో లేరు. ఆమెనే ఇంకొకరు చూసుకోవాలి. భాధలో ఉన్న కృష్ణగారు ఆ ఆవేదనలో నుంచి గట్టెక్కే మార్గం మహేష్ బాబు వద్దకు వెళ్లడమే అన్నారు.

అక్కడ ఉంటేనే కుదుటపడే అవకాశం ఉంది

కృష్ణకు అత్యంత ఇష్టమైన వ్యక్తి మహేష్ బాబు. ఆయన తన తండ్రి పేరు నిలబెట్టి, కృష్ణకు మంచి పేరు తీసుకొచ్చారు. ఏ తండ్రికైనా తన బిడ్డ ఉన్నత స్థితిలో ఉంటే కొంత తృప్తి ఉంటుంది. మహేష్ బాబు పిల్లలతో గడపటం ద్వారా ఆయన కొంత కుదుట పడే అవకాశం ఉంది. అందుకే కృష్ణగారు ఉండగలిగే చోటు మహేష్ బాబు ఇల్లు మాత్రమే. నమ్రత-మహేష్ బాబు పిల్లల ముద్దు మాటలు, అల్లరి చేష్టలు కృష్ణగారిని కుదుట పడేలా చేసే అవకాశం ఉంది... అని రామారావు అభిప్రాయ పడ్డారు.

కృష్ణ-విజయ నిర్మల

కృష్ణ-విజయ నిర్మల తొలిసారి 1967లో ‘సాక్షి' అనే చిత్రంలో కలసి నటించారు. ఈ సమయంలో ఇద్దరూ ప్రేమలో పడ్డారు. ఈ సినిమా విడుదలైన రెండేళ్లకు ఇద్దరూ 1969లో పెళ్లి చేసుకున్నారు. ఇటు వ్యక్తిగత జీవితానికి, అటు సినిమా జీవితానికి సంబంధించి ఇద్దరి అభిప్రాయాలు కలవడంతో 50 ఏళ్లకుపైగా అన్యోన్య దాంపత్యం సాగించారు. ఇంతకాలం తనను కంటికి రెప్పలా చూసుకున్న అర్దాంగి లేరనే విషయాన్ని సూపర్ స్టార్ కృష్ణ తట్టుకోలేక పోతున్నారు.