త్రివిక్రమ్ ఎక్కువగా ఫోకస్ పెడుతోంది దానిపైనే.. అందుకే బన్నీ సినిమా ఆలస్యం!

హ్యాట్రిక్ మూవీ

అల్లు అర్జున్, త్రివిక్రమ్ కాంబినేషన్ లో వస్తున్న హ్యాట్రిక్ మూవీ ఇది. వీరిద్దరో కాంబోలో ఇప్పటికే వచ్చిన రెండు చిత్రాలు జులాయి, సన్నాఫ్ సత్యమూర్తి ఘనవిజయం సాధించిన సంగతి తెలిసిందే. దీనితో ఈ హ్యాట్రిక్ మూవీపై ఇప్పటినుంచే మంచి అంచనాలు నెలకొని ఉన్నాయి. ఈ చిత్రానికి ప్రకటన జరిగిన చాలా కాలం అవుతున్నా ఇంతవరకు షూటింగ్ ప్రారంభం కాలేదు.

ఆలస్యానికి కారణం

త్రివిక్రమ్ శ్రీనివాస్ కథపై ఎక్కువగా ఫోకస్ పెట్టినట్లు తెలుస్తోంది. ఇటీవల కాలంలో త్రివిక్రమ్ శ్రీనివాస్ చిత్రాల్లో ఆరంభంలో ఉన్నన్ని కామెడీ పంచులు ఉండడం లేదు. బన్నీ కోసం రూపొందించిన కథ కూడా ఫన్ ఎలిమెంట్స్ తో కూడుకున్నదిగా వార్తలు వస్తున్నాయి. దీనితో త్రివిక్రమ్ శ్రీనివాస్ వన్ లైన్ కామెడీ పంచులకు బాగా పదును పెడుతున్నారట. కథకు సంబంధించిన ఫినిషింగ్ టచ్ ఇంకా పూర్తి కాకపోవడంతో ఆలస్యం జరుగుతున్నట్లు తెలుస్తోంది.

ఏప్రిల్ నుంచి

తాజాగా ఇండస్ట్రీ వర్గాల నుంచి అందుతున్న సమాచారం ప్రకారం త్రివిక్రమ్, అల్లు అర్జున్ చిత్రం ఏప్రిల్ నుంచి ప్రారంభం కాబోతున్నట్లు వార్తలు వస్తున్నాయి. స్వయంగా అల్లు అరవింద్ ఈ చిత్ర నిర్మాణంలో ఇన్వాల్వ్ కాబోతుండడం, త్రివిక్రమ్ సన్నిహితుడు రాధాకృష్ణ కూడా ఈ చిత్రానికి నిర్మాతగా వ్యవహరిస్తుండడంతో హ్యాట్రిక్ మూవీకి భారీ స్థాయిలోనే కసరత్తు జరుగుతున్నట్లు తెలుస్తోంది.

బ్లాక్ బస్టర్ కొట్టాలని

అల్లు అర్జున్ చివరగా నటించిన నా పేరు సూర్య చిత్రం నిరాశ పరిచింది. దీనితో ఈ సారి ఎలాగైనా ఓ అద్భుత చిత్రం అందించిన ఫ్యాన్స్ ని సంతృప్తి పరచాలని అల్లు అర్జున్ భావిస్తున్నాడు. ఇక త్రివిక్రమ్ కూడా గత ఏడాది అరవింద సమేత లాంటి భారీ విజయంతో జోష్ మీద ఉన్నాడు. అల్లు అర్జున్ కు జోడిగా పూజా హెగ్డే పేరు వినిపిస్తోంది. ఈ చిత్రానికి సంబంధించిన పూర్తి వివరాలు తెలియాలంటే ఇంకొంత కాలం ఆగాల్సిందే.