Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
వినికిడి లోపం ఉన్న చిట్టిబాబుకు ఎలా సాధ్యం..ఇలా సస్పెన్స్ లోకి నెట్టావ్ ఏంటి సుక్కు!
Recommended Video
విడుదల సమయం దగ్గర పడుతున్న కొద్దీ రంగస్థలం చిత్రంపై అంచనాలు అంతకంతకు పెరుగుతున్నాయి. 1985 నాటి పరిస్థితులకు అనుగుణంగా రంగస్థలం చిత్రాన్ని దర్శకుడు సుకుమార్ అందంగా తెరకెక్కించినట్లు తెలుస్తోంది. రాంచరణ్ ఈ చిత్రంలో వినికిడి లోపం ఉన్న యువకుడిగా నటిస్తున్న సంగతి తెలిసిందే. కాగా చిట్టిబాబు పాత్రలో రాంచరణ్ అదరగొట్టడం ఖాయం అనే అభిప్రాయం వ్యక్తం అవుతోంది. ఇక సమంత రామలక్ష్మి పాత్ర కూడా ఆసక్తిని రేకెత్తిస్తోంది. ఇదిలా ఉండగా ఇటీవల సోషల్ మీడియాలో లాంతర్ గుర్తుకు ఓటేయండి అంటూ ఆది లుక్ వైరల్ అయిన సంగతి తెలిసిందే. ఆది ఈ చిత్రంలో రాంచరణ్ కు సోదరుడిగా నటిస్తున్నట్లు వార్తలు వస్తున్నాయి. ఇప్పుడు ఈ అంశమే ఉత్కంఠతో అభిమానులని కుదురుగా ఉండనీయడం లేదు.
క్రేజీ మూవీగా మారిపోతున్న రంగస్థలం
రంగస్థలం చిత్రం ప్రారంభం అయినప్పటి నుంచి మంచి అంచనాలు నెలకొని ఉన్నాయి. 1985 పరిస్థితుల నేపథ్యంలో సుకుమార్ అచ్చతెలుగు కథని తెరకెక్కించబోతున్నాని అంతా భావించారు.
లోపం ఉన్నప్పటికీ చిట్టిబాబు అదుర్స్
రంగస్థలం అనే ఊళ్ళో చిట్టి బాబు అనే వినికిడి లోపం ఉన్న కుర్రాడు. వినికిడి లోపం ఉన్నప్పటికీ చిట్టిబాబు హుషారైన కుర్రాడే. చిట్టిబాబు హుషారు ఏ స్థాయిలో ఉంటుందో తెలియాలంటే విడుదల వరకు ఆగాల్సిందే.
రామలక్ష్మి సంగతి
సమంత ఈ చిత్రంలో రామలక్ష్మిగా నటిస్తోంది. సమంత పాత్రకు ప్రత్యేకంగా టీజర్ కూడా విడుదల చేసిన సంగతి తెలిసిందే. రామలక్ష్మి అందాలని వర్ణిస్తూ ఎంతసక్కగునవె సాంగ్ విడుదల చేసారు. అభిమానులకు ఆ పాట తెగ నచ్చేసింది. ఇటీవల రంగమ్మ మంగమ్మ అనే రొమాంటిక్ సాంగ్ కూడా విడుదల చేసారు. ఈ సాంగ్ ఉర్రూతలూగిస్తున్న సంగతి తెలిసిందే.
1985 పరిస్థితులకు అనుగుణంగా
సుకుమార్ ఈ చిత్రాన్ని 1985 పరిస్థితులకు అనుగుణంగా తెరకెక్కిస్తున్నారు. ఆ సమయంలో ఉన్న పల్లెటూరి వాతావరణానికి తగ్గట్లుగా సెట్లు వేసి చిత్రీకరణ జరిపినట్లు తెలుస్తోంది. సినిమా చూసినంత సేపు 1985 కాలంలోకి వెళ్లిన అనుభూతి అభిమానులకు కలగనునట్లు ఇన్ సైడ్ టాక్.
అలా అనుకుంటే పొరపాటే
రంగస్థలం చిత్రం కేవలం అందమైన పల్లెటూరి నేపథ్య చిత్రం అని అనుకుంటే పొరపాటు పడ్డట్లే. ఈ చిత్రంలో రక్తి కట్టించే రాజకీయ సన్నివేశాలు కూడా ఉన్నట్లు తెలుస్తోంది. ఈ విషయం గురించి గతంలోనే వార్తలు వచ్చాయి.
మరో క్లూ ఇచ్చాడు
రంగస్థలం చిత్రంలో రాజకీయ అంశాలు ఉన్నట్లు ఇటీవల చిత్ర యూనిట్ క్లూ ఇచ్చింది. హీరో ఆదిపినిశెట్టి ఈ చిత్రంలో రాంచరణ్ సోదరుడిగా నటిస్తున్నాడు. ఆది పినిశెట్టి లుక్ ఇటీవల సోషల్ మీడియాలో తెగ చల్ చల్ చేసింది. లాంతర్ గుర్తుకే మీ ఓటు అంటూ ఆది లుక్ కనిపించింది.
చిట్టిబాబుకు ఎలా సాధ్యం
చిట్టి బాబు సోదరుడు ఎన్నికలో పోటీ చేస్తుంటే అతడికి కచ్చితంగా ప్రత్యర్థి ఉంటాడు.ఆ ప్రత్యర్థి ఎవరు, వారి నుంచి వినికిడి లోపం ఉన్న చిట్టిబాబు తన సోదరుడిని గెలిపించడం సాధ్యమేనా ? గెలిపించాడా లేదా ? వంటి ప్రశ్నలని సుకుమార్ అభిమానులకు వదలిపెట్టి సస్పెన్స్ లోకి నెట్టాడు.
రాజకీయ రంగస్థలం వెండి తెరమీదే
సుకుమార్ రేకెత్తించిన సస్పెన్స్ వీడాలంటే మార్చ్ 30 న రంగస్థలం చిత్రం చూడవలసిందే. పోస్ట్ ప్రొడక్షన్ కార్యక్రమాల్ని పూర్తి చేసుకుంటున్న ఈ చిత్రం త్వరలో ఆడియో వేడుకకు సిద్ధం అవుతోంది.