మహేష్ బాబు అడ్డాలో వరుణ్ తేజ్ సినిమా.. క్రేజీ డెసిషన్!

ప్రయోగాత్మక చిత్రం

ఘాజి చిత్రంతో దర్శకుడు సంకల్ప్ రెడ్డి తన సత్తా నిరూపించుకున్నాడు. రెగ్యులర్ కమర్షియల్ చిత్రాలకు దూరంగా ప్రయోగాత్మక కథలు ఎంచుకుంటున్నాడు. ఘాజి చిత్రం అందరిని ఆకట్టుకుంది. ఈ సారి అంతరిక్ష పరిశోధన అంశాలతో ప్రేక్షకులకు సరికొత్త అనుభూతిని కలిగించే ప్రయత్నం చేస్తున్నాడు. అందుకే అంతరిక్షం చిత్రంపై భారీ అంచనాలు నెలకొని ఉన్నాయి. ఇప్పటికే విడుదలైన టీజర్ ఆకట్టుకుంది.

డిసెంబర్ 9న

స్పేస్ లో వరుణ్ తేజ్ చేసే విన్యాసాలని చూడడానికి అభిమానులు ఉత్కంఠగా ఎదురుచూస్తున్నారు. టీజర్ ఆ ఉత్కంఠని మరింతగా పెంచింది. డిసెంబర్ 9న థియేట్రికల్ ట్రైలర్ లాంచ్ చేయబోతున్నట్లు ప్రకటించారు. థియేట్రికల్ ట్రైలర్ లాంచ్ కార్యక్రమాన్ని విభిన్నంగా నిర్వహించబోతున్నలు వార్తలు వస్తున్నాయి.

ఏఎంబి సినిమాస్

సూపర్ స్టార్ మహేష్ బాబు భాగస్వామిగా ఉన్న ఏఎంబి సినిమాస్ మల్టిప్లెక్స్ ఇటీవలే ఘనంగా ప్రారంభమైంది. అద్భుతమైన విజువల్స్ తో అంతరిక్షం చిత్రాన్ని రూపొందిస్తున్నారు. దీనితో ఈ చిత్ర ట్రైలర్ ని అత్యాధునిక హంగులు, ఎఫెక్ట్స్ బావుండే థియేటర్ లో ట్రైలర్ లాంచ్ చేస్తే బావుంటుంది అనే ఉద్దేశంతో చిత్ర యూనిట్ ఉంది. దీనితో అంతరిక్షం ట్రైలర్ ని ఏఎంబి సినిమాస్ లో లాంచ్ చేయడానికి నిర్ణయించుకున్నారట.

ప్రధాన పాత్రల్లో

ఈ స్పేస్ థ్రిల్లర్ చిత్రంలో వరుణ్ తేజ్ సరసన అదితి రావు హైదరి, లావణ్య త్రిపాఠి హీరోయిన్లుగా నటిస్తున్నారు. వరుణ్ తేజ్, అదితిరావు హైదరి వ్యోమగాములుగా కనిపిస్తారు. డిసెంబర్ 21 న చిత్రం విడుదల కానుంది. వరుణ్ తేజ్ ఫిదా, తొలిప్రేమ చిత్రాలు సూపర్ హిట్ గా నిలిచాయి. అంతరిక్షం చిత్రంతో ఈ మెగా హీరో హ్యాట్రిక్ పై కన్నేశాడు.