అనుష్క బర్త్ డే.. వైరల్ అవుతున్న క్రేజీ న్యూస్!

బరువు తగ్గడం కోసం

ప్రస్తుతం అనుష్క విదేశాల్లో ఉన్నట్లు తెలుస్తోంది. బరువు తగ్గడం కోసం అనుష్క సహజసిద్ధమైన వైద్యం కోసం విదేశాలు వెళ్లినట్లు వార్తలు వస్తున్నాయి. తిరిగి వచ్చాక సరికొత్త అనుష్కని చూడవచ్చు. ఇదిలా ఉండగా అనుష్క్ పుట్టినరోజు సందర్భంగా అభిమానులంతా శుభాకాంక్షలతో సోషల్ మీడియాని మోతెక్కిస్తున్నారు.

క్రేజీ న్యూస్ వైరల్

అనుష్క గురించి ఆసక్తికర ప్రచారం మొదలయింది. నందమూరి బాలకృష్ణ ఎన్టీఆర్ పాత్రలో నటిస్తున్న ఎన్టీఆర్ బయోపిక్ చిత్రం ప్రతిష్టాత్మకంగా తెరకెక్కుతున్న సంగతి తెలిసిందే. ఈ చిత్రంలో అనుష్క కీలక పాత్రలో నటించబోతున్నట్లు వార్తలు వస్తున్నాయి. ఇప్పటికే చాలా మంది స్టార్స్ ఎన్టీఆర్ బయోపిక్ చిత్రంలో భాగం అవుతున్న సంగతి తెలిసిందే.

అలనాటి హీరోయిన్

అలనాటి హీరోయిన్ బి సరోజ దేవి, ఎన్టీఆర్ కలసి అనేక చిత్రాల్లో నటించారు. వీరి కాంబినేషన్ లో శ్రీ రామాంజనేయ యుద్ధం, జగదేక వీరుని కథ, దానవీర శూర కర్ణ వంటి అద్భుత చిత్రాలు వచ్చాయి. సరోజ దేవి పాత్ర కోసం ఎన్టీఆర్ బయోపిక్ చిత్ర యూనిట్ అనుష్కని సంప్రదిస్తున్నట్లు తెలుస్తోంది.

తిరిగి వచ్చాక

అనుష్క విదేశాల నుంచి తిరిగి వచ్చాక ఎన్టీఆర్ బయోపిక్ చిత్రంలో నటించే విషయమై ఓ క్లారిటీ వస్తుంది. అనుష్క తన తదుపరి చిత్రాలకు కూడా ప్రకటించే అవకాశం ఉంది. ఓవైపు అనుష్క పెళ్ళికి సిద్ధం అవుతోంది అంటూ కూడా ప్రచారం జరుగుతున్న సంగతి తెలిసిందే.