'ఇంటింటా అన్నమయ్య' షూటింగ్ ప్రారంభం

By Pratap

| Published: Thursday, October 25, 2012, 17:42 [IST]

హైదరాబాద్: 'శ్రీరామరాజ్యం' తర్వాత సాయిబాబా మూవీస్ పతాకంపై యలమంచిలి సాయిబాబా నిర్మిస్తున్న చిత్రం 'ఇంటింటా అన్నమయ్య'. కె. రాఘవేంద్ర రావు దర్శకత్వం వహిస్తున్నారు. రేవంత్ హీరోగా పరిచయమవుతున్నాడు. అనన్య, సనంశెట్టి ఇందులో హీరోయిన్లు. విజయదశమి రోజున ఈ చిత్రం ప్రారంభ వేడుక హైదరాబాదులో జరిగింది.

దేవుని పటాలపై చిత్రీకరించిన ముహూర్తపు దృశ్యానికి రమేష్ ప్రసాద్ కెమెరా స్విచాన్ చేశారు. అక్కినేని నాగేశ్వర రావు క్లాప్ ఇచ్చారు. ఈ సందర్భంగా నిర్మాత యలమంచిలి సాయిబాబా మీడియాతో మాట్లాడారు. భారతీయ సంస్కృతి గొప్పతనాన్ని తెలిపే అద్భుతమైన కథ ఇది అని ఆయన అన్నారు.

'ఓ కొత్త పంథాలో రూపొందే ఈ సినిమాలో యువతరం మెచ్చే ప్రేమ కథ కూడా ఉంటుంది. అన్నమయ్య కీర్తనల నేపథ్యంలో సంగీత ప్రధానంగా రూపొందుతున్న ఈ చిత్రంలో కొన్ని కీర్తనలు హిందుస్థానీ కలయికతో ఉంటాయి. కీరవాణి సంగీతం ఈ సినిమాకే మెయిన్ హైలెట్. నవంబర్ 1 నుంచి అరకులోయలో తొలి షెడ్యూల్ చిత్రీకరిస్తాం' అని సాయిబాబా వివరించారు.

బ్రహ్మానందం, తనికెళ్ల భరణి, జయప్రకాష్ రెడ్డి, సుధ తదితరులు నటిస్తున్న ఈ చిత్రానికి కెమెరా గోపాల్ రెడ్డి. సంగీత ప్రధానమైన ఈ చిత్రం ప్రేక్షకుల ఆదరణ పొందుతుందని ఆశిస్తున్నారు.

Comments

English summary

Intinta Annamayya film shooting was launched in Hyderabad. This film will be directed by Raghavendra Rao, produced by Yalamanchli Saibaba. Revanth will be introduced with this film to cine industry.

Story first published: Thursday, October 25, 2012, 17:42 [IST]

Other articles published on Oct 25, 2012