Click it and Unblock the Notifications
Don't Miss!
-
రేవంత్‌ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు -
DC vs GT: ఆ తప్పిదంతోనే ఓడిపోయాం: శుభ్మన్ గిల్ -
పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..! -
OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్! -
323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!! -
Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్.. -
కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
Taraneh Alidoosti: ఆస్కార్ అవార్డు మూవీ నటి అరెస్ట్.. ఆమె ఏం పోస్ట్ చేసిందో తెలిస్తే!
ఇరాన్ దేశంలో హిజాబ్ ధరించలేదని మాషా అమినీ(22) అనే యువతిని మోరాలిటీ పోలీసులు అరెస్ట్ చేయడం.. ఆ సమయంలో ఆమె కోమాలోకి వెళ్లడం.. ఆ తర్వాత ఆస్పత్రిలో చికిత్స పొందుతూ ప్రాణాలు కోల్పోయిన విషయాలు తెలిసిందే. అప్పటి నుంచి ప్రభుత్వానికి, ఇస్లామిక్ చట్టాలకు వ్యతిరేకంగా నిరసనలు మొదలయ్యాయి. మరీ ముఖ్యంగా మహిళలు పెద్ద ఎత్తున పోరాటం చేస్తున్నారు. ఈ నేపథ్యంలో ఇటీవలే ఆస్కార్ అవార్డు గెలిచిన మూవీ నటి చేసిన ఓ పోస్ట్ దుమారాన్ని రేపింది. దీంతో ఆమెను పోలీసులు అరెస్ట్ చేశారు. ఆ సంగతులు మీకోసం!
ప్రభుత్వం చర్యలు తీసుకున్నా
మాషా అమినీ మరణం తర్వాత ఇరాన్ దేశం అట్టుడుకుతోంది. అక్కడి మహిళలు స్వచ్చందంగా బయటకు వచ్చి జుట్టు కత్తిరించుకుంటూ, హిజాబ్లను తగలబెడ్తూ రోజూ నిరసనలు తెలియజేస్తున్నారు. దీంతో నిరసనకారులపై ఇరాన్ ప్రభుత్వం ఉక్కుపాదం మోపుతోంది. లాఠీ చార్జ్‌లతో పాటు కొన్ని చర్యలు తీసుకుంటోంది. అయినా అక్కడి మహిళలు మాత్రం తగ్గడంలేదు.
ఉరిశిక్షలు.. బహిరంగంగా శిక్ష
ఇరాన్ ప్రభుత్వం చర్యలు తీసుకుంటున్నా అక్కడ మాత్రం హిజాబ్ వ్యతిరేక పోరాటాలు తగ్గడం లేదు. దీంతో ప్రభుత్వం కఠిన చర్యలు తీసుకుంటోంది. ఇందులో భాగంగానే ఇప్పటికే చాలా మందికి ఉరిశిక్షలు విధించింది. అయినా తగ్గకపోవడంతో ఇటీవలే మొహ్సేన్ షెకారీ (23) అనే వ్యక్తిని ఇరాన్ ప్రభుత్వం బహిరంగంగా ఉరి తీసింది. ఇది ప్రపంచ వ్యాప్తంగా హెడ్‌లైన్ అయింది.
ఆస్కార్ నటి పోస్టుతో కలకలం
మొహ్సేన్ షెకారీ (23) అనే వ్యక్తిని ఇరాన్ ప్రభుత్వం బహిరంగంగా ఉరి తీయడంపై.. ఆ దేశానికి చెందిన తరనేహ్ అలిదూస్తీ సోషల్ మీడియాలో ఓ పోస్ట్ చేసింది. అందులో 'ఇలాంటి రక్తపాతాన్ని చూసి ఎలాంటి చర్యలు తీసుకోని అంతర్జాతీయ సంస్థలు ఉండడం మానవత్వానికి అవమానకరం' అంటూ రాసుకొచ్చింది. దీంతో ఒక్కసారిగా అంతటా కలకలం రేగింది.
నటిని అరెస్ట్ చేసిన పోలీసులు
హిజాబ్‌కు వ్యతిరేకంగా జరుగుతోన్న పోరాటాలకు మద్దతు తెలపడంతో పాటు ఇరాన్ ప్రభుత్వం విధిస్తోన్న ఉరిశిక్షలను వ్యతిరేకిస్తూ పోస్ట్ చేయడంతో నటి తరనేహ్ అలిదూస్తీ స్థానిక పోలీసులు అరెస్ట్ చేశారు. ఈ విషయాన్ని ఇరాన్ మీడియా శనివారం వెల్లడించింది. ఇక, తరనేహ్ అలిదూస్తీ అరెస్ట్ వార్తతో ఆమె ఫ్యాన్స్ ఆందోళన చెందుతున్నారు. దీంతో ఈ న్యూస్ హైలైట్ అయింది.
అందుకే అరెస్ట్ అని క్లారిటీ
ఇరాన్‌కు చెందిన ప్రముఖ నటి తరనేహ్ అలిదూస్తీని అరెస్ట్ చేసిన తర్వాత అక్కడి పోలీసులు మీడియాకు కీలక విషయాలను వెల్లడించారు. అందులో 'ఆమె తప్పుడు సమాచారంతో కూడిన, ప్రభుత్వ నిర్ణయాలను వక్రీకరించే కంటెంట్‌ను పోస్ట్ చేశారు. దీంతో దేశంలో గందరగోళ పరిస్థితులు నెలకొన్నాయి. అందుకే ఆమెను అదుపులోకి తీసుకున్నాం' అని చెప్పుకొచ్చారు.
తరనేహ్ అలిదూస్తీ గురించి
చిన్న వయసు నుంచే తరనేహ్ అలిదూస్తీ ఇరానీ భాషలో ఎన్నో సినిమాల్లో నటించింది. ఈ క్రమంలోనే 2016లో వచ్చిన 'ది సేల్స్‌మాన్' అనే చిత్రంలో నటించింది. ఈ మూవీకి గతంలో ఆస్కార్ అవార్డు కూడా లభించింది. ఇక, ఇటీవలే తరనేహ్ అలిదూస్తీ 'లీలాస్ బ్రదర్స్' అనే సినిమాలో నటించింది. ఇది కేన్స్ ఫిల్మ్ ఫెస్టివల్‌లో ప్రదర్శితం కూడా అయింది.
