వివాదంలో అనుష్క సినిమా.. ఆ చిత్రానికి కాపీనా?

బ్లాక్ బస్టర్ చిత్రాల్లో అనుష్క

2008లో రబ్ నే బనా ది జోడి చిత్రంతో అనుష్కశర్మ బాలీవుడ్‌లోకి ప్రవేశించింది. ఆ తర్వాత బ్యాండ్ బజా బరాత్, లేడీస్ వర్సెస్ వికీ బెహెల్, జబ్ తక్ హై జాన్, పీకే, ఎన్‌హెచ్10, దిల్ దడ్కనే దో, సుల్తాన్, యై దిల్ హై ముష్కిల్ నటించింది. ఆమె నటించిన చిత్రాల్లో ఎక్కువ సినిమాలు ఘన విజయం సాధించాయి.

విరాట్ కోహ్లీతో అఫైర్.. రొమాంటిక్ సీన్స్

సూపర్ హిట్ చిత్రాలతో బాలీవుడ్‌లో అగ్రతారగా మారిన అనుష్క శర్మ ప్రస్తుతం ఇండియన్ క్రికెట్ కెప్టెన్ విరాట్ కోహ్లీతో అఫైర్ సాగిస్తున్నది. కోహ్లీ ఆడే మ్యాచ్ లకు హాజరై అభిమానులను కనువిందు చేస్తున్నది. వీరిద్దరూ పెండ్లి చేసుకొంటారనే రూమర్ కూడా వచ్చింది. కోహ్లీలో అన్యోన్యయంగా ఉంటూ పలు సందర్భాల్లో అనుష్క కనిపించింది.

హీరోయిన్.. నిర్మాతగా అనుష్క

పలు సూపర్ హిట్ చిత్రాలతో దూసుకెళ్తున్న అనుష్క శర్మ ఫిల్లౌరీ చిత్రంతో నిర్మాతగా మారారు. రొమాంటిక్, కామెడీ చిత్రంగా రూపుదిద్దుకొంటున్న ఈ సినిమాను ఫాక్స్ స్టార్ స్టూడియోతో కలిసి నిర్మిస్తున్నది. ఈ చిత్రంలో దల్జిత్ దోసాన్, సూరజ్ శర్మ, మెహ్రీన్ ఫిర్జాదా నటిస్తున్నారు. ఈ చిత్రం మార్చి 24న విడుదలయ్యేందుకు సిద్ధమవుతున్నది.

కార్ప్స్ బ్రైడ్, ఫిల్లౌరీది ఒకటే స్టోరీ

దెయ్యం కారణంగా ఓ పెళ్లి కొడుకు ఎదురైన సమస్యల ఆధారంగా కార్ప్స్ బ్రైడ్ యానిమేషన్ చిత్రం రూపొందింది. ఇందులో హీరో పాత్రకు ప్రముఖ హాలీవుడ్ నటుడు జానీ డెప్ డబ్బింగ్ చెప్పారు. దెయ్యం పాత్రలో హెలెనా బోన్హామ్ కార్టర్ నటించింది. 2005లో విడుదలైన ఈ చిత్రానికి టిమ్ బర్టన్ దర్శకత్వం వహించాడు.