పాండురంగడు లేటవుతుందా?

News

-Staff

By Staff

| Published: Tuesday, May 20, 2008, 19:37 [IST]

బాలకృష్ణ అభిమానులు ఎప్పుడెప్పుడా అని ఎదురుచూస్తున్న పాండురంగడు మరింత లేటయ్యేటట్లుందిట. ప్రకటించిన విధంగా ఈ నెల 30న రిలీజయ్యే అవకాశాలు తక్కువగా ఉన్నాయనే టాక్ ఫిల్మ్ నగర్ వర్గాల్లో నానుతోంది. నిర్మాణాంతర కార్యక్రమాలు పూర్తి కాలేదని మరో పది రోజులు పట్టేటట్లు ఉన్నాయని అంటున్నారు. అసలే ఈ తరహా చిత్రాలకు రీరికార్డింగ్ ,గ్రాఫిక్ వర్క్ కు ఎక్కువ సమయం పడుతుంది. అందులోనూ ఈ చిత్రంలో బాలయ్య రెండు విభిన్న పాత్రలలో కనిపిస్తారు. దాంతో ఆ గ్రాఫిక్స్ కూడా చేయాల్సి ఉంటుంది. గతంలో కూడా శ్రీరామదాసు కూడా ఇలా చాలా సమయం పట్టింది. అలాగే ఆ సినిమాల విజయంలోనూ ఇవి కీలక పాత్ర వహిస్తాయి.