పవన్ కు మొహం మొత్తిందా?

పవన్ కల్యాణ్ కు రాజకీయాలు మొహం మొత్తాయా? ఆయన సినిమాల మీదనే దృష్టి కేంద్రీకరించనున్నారా? అవుననే సంకేతాలు అందుతున్నాయి. ప్రస్తుతం యువరాజ్యం అధ్యక్షుడిగా ఉన్న పవన్ కల్యాణ్ తనకు సమర్ధుడైన నాయకుడు దొరికితే తన పదవిని అతనికి అప్పగించాలని చూస్తున్నట్టు చెప్పారు. ఆయన ఒక ప్రైవేటు టీవీ చానల్ కు ఇచ్చిన ఇంటర్వ్యూలో అనేక విషయాలు వెల్లడించారు. తన దృష్టిలో ఐదుగురు సమర్ధులు ఉన్నారని, వారి కంటే బెటర్ వ్యక్తి దొరికితే వెంటనే యువరాజ్యం అధ్యక్ష పదవిని కట్టబెడతానని ఆయన చెప్పారు.

కరీంనగర్ జిల్లా నుంచి పోటీ చేయాలని ఆయన అభిమానుల నుంచి వత్తిడి వస్తున్న నేపధ్యంలో ఆయన యువరాజ్యం పదవి నుంచి తప్పుకోవాలని చూస్తున్నారన్న అభిప్రాయం ఉంది. అయితే తనకు అత్యంత ఇష్టమైన సినిమారంగానికి దూరమవుతున్నాన్న ఫీలింగ్ తోనే పవన్ యువరాజ్యానికి గుడ్ బై చెప్పాలనుకుంటున్నారని, "పులి" తర్వాత తాను చేయదలుచుకున్న సినిమా మీద దృష్టి కేంద్రీకరిస్తున్నారని సమాచారం.