రమ్యకృష్ణకూ, త్రిషకూ చెడిందా?

By Staff

Published: Wednesday, March 25, 2009, 13:43 [IST]

కృష్ణవంశీ "మహాత్మ" సినిమాకు త్రిష నో చెప్పినట్టు సమాచారం. కృష్ణవంశీ భార్య, ప్రముఖ నటి రమ్యకృష్ణ, త్రిష మంచి స్నేహితురాళ్ళన్న విషయం తెలిసిందే. అయినా త్రిష కృష్ణవంశీకి ఎందుకు నో చెప్పిందో అర్ధం కావడం లేదు. రమ్యకృష్ణ మొహం చూసైనా త్రిష కృష్ణవంశీ ఆఫర్ ను ఒప్పుకుని ఉండాల్సింది. "మహాత్మ" శ్రీకాంత్ కు 100 వ సినిమా. దీనిని కృష్ణవంశీ ప్రతిష్టాత్మకంగా నిర్మిస్తున్నారు.

"నాకూ రమ్యకృష్ణకు విభేదాలు ఉన్న మాట నిజం కాదు. అవన్నీ వదంతులు. మేమిద్దరం ఎప్పుడూ వర్క్ కు సంబంధించిన విషయాల మీద మాట్లాడుకోం. కృష్ణ వంశీ కూడా నాకు బాగా తెలుసు. ఆయన నాకు పాత్రను ఆఫర్ చేసిన మాట నిజమే. కానీ నేను కాల్షీట్ల సమస్య వల్ల ఒప్పుకోలేకపోయాను" అని త్రిష ఈ మధ్య ఒక ఇంటర్వ్యూలో చెప్పింది. త్రిష తమిళంలో సర్వం సహా నాలుగు సినిమాల్లో, తెలుగులో రెండు సినిమాల్లో నటిస్తోంది.

More from Filmibeat