ఈ పదేళ్లలో ఎవరికీ భయపడింది లేదు, కానీ ఈ రోజు వాడి ముందు : నాని హాట్ కామెంట్స్

నా లాంటి యావరేజ్ అబ్బాయి.. ఎవరూ ఊహించలేదు

ఎవరు ఊహించి ఉంటారు. నేను పదేళ్లు ఇండస్ట్రీలో సర్వైవ్ అవుతానని? ఎవరు ఊహించి ఉంటారు నటనలో యావరేజ్ స్కిల్స్ ఉన్న నాలాంటి యావరేజ్‌ అబ్బాయిని ఆదరిస్తారని? మీ అందరూ ఆదరించడం వల్లనే ఓ నటుడిగా, మనిషిగా ఎదిగాను... అని నాని చెప్పుకొచ్చారు.

నా మనసును ఫాలో అవుతున్నాను

నేను చిత్ర పరిశ్రమలోకి అడుగుపెట్టిన తొలి రోజు నుంచి నా నుంచి బెస్ట్‌ ప్రదర్శన ఇవ్వాలని ప్రయత్నించాను. నా మనసు నచ్చింది ఫాలో అయ్యాను, ఇప్పటికీ అదే ఫాలో అవుతున్నాను.

విజయాలు, అపజయాలు

ఈ పదేళ్ల ప్రయాణంలో విజయాలను చూశాను. అపజయాలను చూశాను. నాకు తెలుసు ఈ రెండూ జీవితంలో వచ్చి వెళుతుంటాయని. మీరు నాపై మీరు చూపిన ప్రేమాభిమానాలకు థాంక్యూ అనేది చిన్న పదం. కానీ మనస్ఫూర్తిగా నేను మీకు ధన్యవాదాలు మాత్రమే చెప్పుకోగలను.... అని నాని వ్యాఖ్యానించారు.

కొడుకు జున్నుతో దిగిన ఫోటో

‘ఎవరి ముందైనా నటించడానికి ఎన్నడూ భయపడింది లేదు. కానీ మిస్టర్‌ జున్ను ఈ రోజు డాక్టర్‌ దాస్‌ను కలవడానికి సెట్స్‌కు వచ్చాడు' అంటూ తన కుమారుడితో కలిసి దిగిన ఫోటోను నాని షేర్ చేశారు.