Don't Miss!
- News అక్కడ.. యుద్ధ వాతావరణం: భారీగా దాడులు
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
హీరోయిన్ భర్త పెళ్లి వివాదం: ప్రేమించలేదని వివరణ
హైదరాబాద్: మాజీ తెలుగు హీరోయిన్ సరిత భర్త, మళయాల నటుడు ముఖేష్ విడాకులు ఇవ్వకుండానే మిథిలీ దేవికా అనే డాన్సర్ను రెండో పెళ్లి చేసుకున్న సంగతి తెలిసిందే. తనకు విడాకులు ఇవ్వకుండానే రెండో పెళ్లి చేసుకోవడంపై సరిత కోర్టును ఆశ్రయించేందుకు సిద్ధమవుతున్నారు.
ముఖేష్, మిథిలీ దేవికా....ముఖేష్ నివాసంలో తొలుత రహస్య వివాహం చేసుకున్నారు. ఆ తర్వాత త్రుపునితరా రిజిస్టర్ ఆఫీసులో అఫీషియల్గా రిజిస్టర్ చేయించుకున్నారు. మొత్తానికి వీరి పెళ్లి విషయం బయటకు లీకైంది. రహస్యంగా పెళ్లి చేసుకోవడంతో వీరిది లవ్ మ్యారేజ్ అని మీడియాలో ప్రచారం జరిగింది.
ముఖేష్, మిథిలీ దేవికా సంగీత నాటక అకాడమీలో మెంబర్స్. ఆ క్రమంలోనే వీరిద్దరి మధ్య సాన్నిహిత్యం పెరిగిందని, ప్రేమలో పడ్డారని పుకార్లు చెలరేగాయి. కానీ....తమది ప్రేమ వివాహం కాదని వాదిస్తోంది మిథిలీ దేవికా. పెద్దలు కుదర్చిన అరేంజ్డ్ మ్యారేజే అని చెబుతోంది.
'మాది ప్రేమ వివాహం కాదు. మా ఫ్యామిలీ మెంబర్స్ ద్వారా అరేంజ్ చేయబడ్డ మ్యారేజ్. ముఖేష్ తొలుత పెళ్లి ప్రపోజ్ చేసాడు. మొదట నేను ఒప్పుకోలేదు. ముఖేష్ సోదరి సంధ్య, ఆమె భర్త రాజేంద్రన్ సంప్రదించాక ఆలోచించి ఈ పెళ్లికి ఒప్పుకున్నాను. పెద్దలు జాతకాలు పరిశీలించిన తర్వాత పెళ్లికి ఒకే చేసారు. ఆ తర్వాత ఇద్దరి దగ్గరయ్యాం, ఒకరినొకరు అర్థం చేసుకున్నాం' అని మిథిలీ దేవిక వెల్లడించారు.
'సంగీత నాటక అకాడమీకి ముఖేష్ హెడ్, తాను జనరల్ కౌన్సిలర్, కానీ మేము ఎప్పుడూ అంత సన్నిహితంగా మాట్లాడుకునేవారము కాదు' అని మిథిలీ దేవికా వెల్లడించారు. కాగా....ముఖేష్ మొదటి భార్య సరిత . తనకు విడాకులు ఇవ్వకుండానే రెండో పెళ్లి చేసుకోవడంపై సరిత కోర్టును ఆశ్రయించేందుకు సిద్ధమవుతున్నారు.