రివర్స్ గేర్ లో ఐటమ్ గర్ల్

By Staff

Published: Thursday, March 12, 2026, 2:08 [IST]

'ఆకలేస్తే అన్నంపెడతా' పాట కి సంభంధమున్న వారి కెరీర్లు విచిత్రంగా మలుపుతిరుగుతున్నాయి.ముందుగా హస్కీగా పాడి యూత్ ని ఒక ఊపు ఊపిన గాయని మమతా మోహన్ దాస్ పూర్తి స్థాయి దశ తిరిగి నటిగా బిజీ అయిపోయింది.అలాగే ఆ ఐటమ్ సాంగ్ లో నర్తించిన యానా గుప్తా రివర్స్ లో గాయనిగా బిజీ అవ్వబోతోంది. బిగ్ మ్యూజిక్, హోమ్ వీడియో సంయుక్తంగా విడుదల చేసిన ' బ్యాక్ ఉన్దా దా ఇన్‌ఫ్లుయెన్స్' అనే పంజాబీ పాప్ ఆల్బమ్‌లో ఆమె రెండు పాటలు పాడింది. మరో విశేషమేమంటే ఈ పాటల్ని రాసిందే కూడా ఆమే.పంజాబీ సంగీతకారుడు డాక్టర్ జియస్ సంగీతం సమకూర్చిన ఈ ఆల్బమ్‌ లోని 'ఆగ్ కా దరియా', 'నా కోయీ ఖయాల్' అంటూ సాగే ఈ రెండు పాటలూ ఇప్పుడు మార్కట్ లో మంచి ఆదరణకు నోచుకుంటున్నాయి. దాంతో గాయనిగా అవతారమెత్తిన ఈ ఐటమ్ గర్ల్ కి మరిన్ని అవకాశాలు వస్తున్నాయిట. ఇక సంగీత దర్శకుడు దేవి శ్రీ ప్రసాద్ కూడా హీరోగా తెలుగు తెరను పలకరించటానికి ఏర్పాట్లు జరుగుతున్నాయంటున్నారు. ఇది నిజమైతే ఈ పాటకి సంబంధం ఉన్న వాళ్ళు ఇతర విభాగాలలో కూడా ప్రయత్నిస్తున్నారు.. రాణిస్తున్నారు. ఇలా అయితే అందరి కంటే ముందు మెగాస్టార్ పాలటిక్స్ లోకి వచ్చే వార్తను కూడా పరిగణలోకి తీసుకోవాలి అంటున్నారు ఆయన అభిమానులు ఉత్సాహంగా. కరక్టే కావచ్చు.

More from Filmibeat