చిరు-పవన్ ఇష్యూతో నాగబాబు వాకౌట్, ఏడ్చేసిన రోజా, కొట్టుకున్న కమెడియన్లు!

అందమైన ఫ్యామిలీ అంటూనే...

ఈ ప్రోమోలో.... మాది అందమైన ఫ్యామిలీ అంటూ కొన్ని సీన్లు చూపించడం, అంతలోని జబర్దస్త్ కమెడియన్లు కొట్టుకోవడం లాంటివి కనిపించాయి. చాలా ఆసక్తికరంగా ఈ షో సాగనుందని ఈ ప్రోమో చూస్తే స్పష్టమవుతోంది.

కోహినూర్ వజ్రం అంటూ రోజాపై నాగబాబు

ఓ సీన్లో నాగబాబు మాట్లాడుతూ.... బ్రిటిష్ వాడు కోహినూర్ వజ్రం ఎత్తుకెళ్లింది అని చెప్పింది ఎవరు? ఇదిగో ఇక్కడ ఉంది కోహినూర్ డైమండ్ అంటూ రోజాను ఉద్దేశించి నాగబాబు కామెంట్ చేయడం, రోజా సిగ్గుమొగ్గవ్వడం కనిపించింది. దీన్ని బట్టి షో చాలా ఎంటర్టెనింగ్‌గా సాగుతుందని తెలుస్తోంది.

వాకౌట్ చేసిన

షో జరుగుతుండగా జబర్దస్త్ కమెడియన్ల మధ్య ఏదో చిన్న గొడవ జరిగింది. దీంతో సుడిగాలి సుధీర్ నాగబాబును నిలదీశారు. ముందు నుండీ ఉన్న చిరంజీవిగారా? మధ్యలో వచ్చిన పవన్ కళ్యాణ్ గారా? అంటూ సుధీర్ ఓ ప్రశ్నవేయడంతో నాగబాబు ఆగ్రహం కట్టలు తెంచుకుంది. షో నుండి వాకౌట్ చేసి వెళ్లిపోయారు.

ఏడ్చేసిన రోజా

ఆ పార్టీ ఈ పార్టీ మార్చడం కాదు... ఏదో ఒక పార్టీలో ఉండాలంటూ రోజా మీద కొందరు కమెడియన్లు విమర్శలు చేశారు. ఆ తర్వాత ఏమైందో తెలియదు కానీ రోజా ఎమోషన్ అయ్యారు. ఏడ్చేశారు. తాను ఎమ్మెల్యే అయ్యానంటే దానికి కారణం జబర్దస్త్ షో మాత్రమే అని స్పష్టం చేశారు.

కళ్లు తిరిగి పడిపోయిన అనసూయ

షో మధ్యలో అనసూయ కళ్లు తిరిగి పడిపోవడం, నాగబాబు, ఇతరలంతా కలిసి ఆమెను పట్టుకోవడం కనిపించాయి. మొత్తానికి దసరా మహోత్సవం చాలా రసవత్తరంగా సాగుతుందని స్పష్టమవుతోంది.

ప్రోమో ఇదే...

సెప్టెంబర్ 30న ప్రసారం కాబోతున్న జబర్దస్త్ దసరా మహోత్సవానికి సంబంధించిన ప్రోమో ఇదే.