జగడం, ఆర్య-2 నిర్మాత తండ్రి మృతి

సినీ నిర్మాత సోంపల్లి జయదేవ్‌ హైదరాబాదులోని ఆయన నివాసంలో రాత్రి కన్నుమూశారు. ఆయన వయసు 56 సం.లు. నెల్లూరు జిల్లాకు చెందిన జయదేవ్‌ తెలుగు, కన్నడ భాషల్లో పలు చిత్రాలు నిర్మించారు. సొంతం, జగడం, ఆర్య-2, చలాకీ తదితర చిత్రాలను నిర్మించిన ఆయన కుమారుడు ఆదిత్యబాబుని హీరోగా పరిచయం చేస్తూ తెలుగు, కన్నడ సినిమాలు తీశారు. జయదేవ్‌ మృతి పట్ల తెలుగు, కన్నడ చిత్ర పరిశ్రమలు దిగ్భ్రాంతి వ్యక్తం చేశాయి.ఆయన మృతికి ధట్స్ తెలుగు సంతాపం తెలియచేస్తోంది.