For Quick Alerts
    ALLOW NOTIFICATIONS  
    For Daily Alerts

    హాలీవుడ్ చిత్రానికి తెలుగు డైరక్టర్

    By Srikanya
    |

    తెలుగులో దర్శకుడు జగదీశ్వరరెడ్డి త్వరలో ఓ హాలీవుడ్ చిత్రానికి డైరక్షన్ చేయనున్నారు. ఆయన ఈ విషయాలను మీడియాకు వివరించారు. తను ఇంతకుముందు స్వీయ దర్శకత్వంలో నిర్మించిన 'కామాగ్ని' చిత్రాన్ని 'కామతంత్ర' పేరుతో హాలీవుడ్‌లో రూపుదిద్దుకోనుందని, ఈ సినిమాకి తను దర్శకత్వం వహిస్తున్నానని దర్శకనిర్మాత జగదీశ్వరరెడ్డి చెప్పారు. 'కామాగ్ని' చిత్రానికి తేజ (దర్శకుడు) ఛాయాగ్రాహకునిగా పనిచేశారు. ఈ సినిమా వివరాలను జగదీశ్వరరెడ్డి మీడియాకు వెల్లడిస్తూ 'నేను తీసిన 'కామాగ్ని' చిత్రాన్ని యూ ట్యూబ్‌లో ఆరు లక్షల మంది చూశారు. ఈ విషయం తెలుసుకున్న లాస్ఏంజిలిస్‌లోని ఎక్స్‌ప్రెస్ ఎంటర్‌టైన్‌మెంట్స్ సంస్థ ఈ సినిమాలో హాలీవుడ్‌లో నిర్మించడానికి ముందుకు వచ్చింది.

    భారతీయ కథాంశం కలిగినది కావడంతో దర్శకత్వ బాధ్యతలు నాకే అప్పగించారు. కేరళలో, రామోజీ ఫిలింసిటిలో చిత్ర నిర్మాణం జరుగుతుంది. డిసెంబర్‌లో ప్రారంభమయ్యే ఈ చిత్రం పేరు 'కామతంత్ర'. హాలీవుడ్‌కి చెందిన నటీనటులు, సాంకేతిక నిపుణులు పనిచేస్తారు. కథాంశం ఏమిటంటే పోలీసులకు పట్టుబడిన కరుడు కట్టిన ఓ తీవ్రవాది ప్రమాదవశాత్తు పాత విషయాలన్నీ మరిచిపోతాడు. అతన్ని తిరిగి మాములు మనిషిని చేస్తే కానీ తీవ్రవాద కార్యకలాపాలు వెల్లడి కావు. అందుకే ఆ బాధ్యతని ఓ యువతికి అప్పగిస్తారు. సెక్స్ థెరపీ ద్వారా ఆమె ఆ టెర్రరిస్ట్‌ని మార్చే ప్రయత్నాలు చేస్తుంది. ఇందుకోసం కేరళ వెళ్లి ఆమె కామతంత్ర విద్యను కూడా నేర్చుకుంటుంది. ఆసక్తికరంగా సినిమా ఉంటుంది. హాలీవుడ్ చిత్రానికి దర్శకత్వం వహించే అవకాశం వచ్చినందుకు ఆనందంగా ఉంది' అన్నారు.

    English summary
    Telugu film director and producer Jagadeeswara reddy get a chance from Hollywood.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X