జగపతి బాబుకి అదే దెబ్బ

By Staff

Published: Wednesday, February 25, 2009, 12:13 [IST]

జగపతి బాబుకి మొహమాటం ఎక్కువని, వెంటనే దేనికీ నొ చెప్పలేదని అందరూ అంటూంటారు. అది విన్న వాళ్ళు కూడా ఆరేంజిలో ఆయన్ను క్యాష్ చేసుకోవటానికి ప్రయత్నాలు చేస్తూంటారు. తాజాగా దిల్ రాజు పిలిచి నా చిత్రంలో ఓ వేషం ఉంది వేయి అంటే కాదనలేక ఓకే చేసాడుట. ఇంతకీ ఆ వేషం మరీ కొద్ది సేపేనట. ఆ సన్నివేశం...పార్కులో ప్రకాష్ రాజ్...జగపతిబాబు ని కూర్చోబెట్టి...తన కూతరుకీ తనకీ మధ్య జరిగిన కథను వినిపించటం. అక్కడ నుంచీ ప్లాష్ బ్యాక్ ఓపెన్ అవుతుంది. అంటే సినిమా కథ మొత్తం జగపతి బాబు వింటూంటాడన్నమాట. మొదటి ఈ అధ్బుతమైన పాత్రకు సునీల్ ని అనుకున్నారుట. కానీ కాస్త జంటిల్ మెన్ గా కనిపిస్తాడని..అడిగారుట.

ఆకాశమంతా పేరుతో రీమేక్ (కొన్ని సీన్స్ రీషూట్ తప్పించి మిగతాది డబ్బింగేనని వార్త) అవుతున్న అభినయనానుమ్ అనే తమిళ సినిమా కోసం ఈ సంఘటన జరిగింది. ఇక ఈ సన్నివేసం వెనుక లక్ష్యం కథకు నేటివిటీ అద్దటమేనంటున్నారు. నిజానికి ఈ చిత్రం తమిళంలో ఫ్లాప్ టాక్ ని సొంతం చేసుకుంది. ప్రకాష్ రాజ్ స్వయంగా నిర్మించి, నటించిన చిత్రం కావటం,తండ్రి కూతుళ్ళు అనుబంధం ప్రధానంగా కథనం సాగటం, ప్రకాష్ రాజ్ తో తనకున్న అనుబంధాన్ని గుర్తు చేసి దీని రైట్స్ తీసుకున్నారు. త్రిష హీరోయిన్ గా చేసింది కాబట్టి ఓపినింగ్స్ కి ఇబ్బంది లేదని వారి అంచనా. ఇవన్నీ ఎలా ఉన్నా జగపతి బాబు మొహమాటానికి పోయి మరీ అంత చిన్న పాత్రలో నటించటం హర్షించదన అంశం కాదంటున్నారు. అసలే కెరీర్ అంతంతమాత్రంగా ఉన్న జగపతి ఆచితూచి అడుగులు వేయకపోతే కనుమరుగు అయిపోవటం ఖాయమంటున్నారు.

More from Filmibeat