twitter
    For Quick Alerts
    ALLOW NOTIFICATIONS  
    For Daily Alerts

    నిజ జీవితంలో ప్రవరాఖ్యుణ్ణి కాను..జగపతిబాబు

    By Srikanya
    |

    అమ్మాయిలకు దూరంగా ఉండేవారిని ప్రవరాఖ్యుడు అని సంభోదించటం కామన్ గా జరుగుతూంటుంది. అయితే తానూ నిజజీవితంలో ప్రవరాఖ్యుడుని కానని జగపతిబాబు చెప్తున్నాడు. ఆయన నటించిన ప్రవరాఖ్యుడు ఆడియో పంక్షన్ లో మాట్లాడుతూ.."నేను నిజ జీవితంలో ప్రవరాఖ్యుణ్ణి కాను. ఈ సినిమా కోసం ప్రతిభావంతులైన టెక్నీషియన్స్‌తో పనిచేశా. ఇది భారీ బడ్జెట్‌ ఫిల్మ్‌ కావడం వల్ల నాతో వద్దని మొదట్లో డైరెక్టర్‌ మదన్‌కి చెప్పా. కానీ తను పట్టుబట్టి నాతో ఈ సినిమా చేయించాడు. ఈ సినిమాతో ఈ నిర్మాతలు స్టార్‌ ప్రొడ్యూసర్స్‌ అవుతారు. కీరవాణి చాలా చక్కని సంగీతం అందించారు" అని చెప్పారు.

    పెళ్లయింది కొత్తలో చిత్రతో దర్శకుడుగా పరిచయమైన మదన్‌ ఈ చిత్రాన్ని అదే కాంబినేషన్ లో చేస్తున్నారు. ఆయన మాట్లాడుతూ "మను చరిత్రలోని ప్రవరాఖ్యుడి కథకీ, ఈ సినిమా కథకీ సంబంధం లేదు. ఇప్పటి కాలమాన పరిస్థితుల్లో ప్రవరాఖ్యుడు అంటే జెంటిల్‌మన్‌. ప్రేమ మూలాల కోసం ఈ ప్రవరాఖ్యుడు చేసిన అన్వేషణ ఏంటనేది ఈ సినిమా. ప్రతి సినిమాకీ కీరవాణిలో ఒక కొత్త సంగీత దర్శకుడు కనిపిస్తున్నాడు" అని తెలిపారు.

    సంగీత దర్శకుడు కీరవాణి.."ప్రేమ కథలనేది ఎప్పుడూ ఫెయిల్‌ కావు. ఈ సినిమాలో ప్రేమని ఒక కొత్త కోణంలో మదన్‌ చూపిస్తున్నాడు. తప్పకుండా ఈ సినిమా అందరికీ నచ్చుతుంది" అన్నారు.ఇక ఈ కార్యక్రమంలో ప్రియమణి, వరుణ్‌సందేశ్‌, నటులు చలపతిరావు, అలీ, సి.వి.ఎల్‌. నరసింహారావు, గేయ రచయిత చైతన్యప్రసాద్‌, గాయనీమణులు సునీత, గీతామాధురి, ఆదిత్య దయానంద్‌, డాన్స్‌మాస్టర్‌ విద్య తదితరులు పాల్గొని ప్రవరాఖ్యుడు హిట్ కావాలని ఆశించారు.

     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X