జగపతి బాబు న్యూ బిజినెస్ ‘క్లిక్ సినీ కార్ట్’...అసలు ఏమిటి ఇది?

మోస పోతున్నారు....

మామూలుగా వారు నేరుగా ప‌రిశ్ర‌మ‌కు వ‌స్తే మోస‌పోయే ‌. ప‌ది రింగులు చేతికి పెట్టుకుని వ‌స్తున్న వారు ఒక్క రింగు కూడా లేకుండా వెన‌క్కి వెళ్ల‌డం నాకు బాగా తెలుసు. చెప్పులు కూడా లేకుండా వెళ్తున్నారు. కానీ మ‌న‌సుంటే సంతోషంగా ఇందులో గెల‌వొచ్చు.

నాలాంటి వాడికే కష్టం తప్పలేదు

ఈ వెబ్‌సైట్ ప‌రిశ్ర‌మ‌లోకి రావాలనుకునే వారికి, పరిశ్రమకు చాలా ముఖ్య‌మ‌ని నా భావ‌న‌. వి.బి.రాజేంద్ర‌ప్ర‌సాద్‌గారి అబ్బాయినే అయిన‌ప్ప‌టికీ నేను 8 నెల‌లు క‌ష్ట‌ప‌డ్డాను. చాలా సార్లు నాలో నేను ఏడ్చుకున్నాను. ఇంత అండ ఉన్న నా ప‌రిస్థితి ఇలా ఉంటే, మిగిలిన వారి స్థితి ఏంటి? అనే ఆలోచ‌న వ‌చ్చింది. దాని ఫ‌లిత‌మే ఈ వెబ్‌సైట్‌

దాస‌రి మాట్లాడుతూ..

ప‌రిశ్ర‌మ‌కు కొత్త ర‌క్తం కావాలి. నేను స్వ‌ర్గం న‌ర‌కం సినిమా చేసిన‌ప్పుడు అంద‌రూ కొత్త‌వారితోనే చేశాను. ఆ సినిమా కోసం తిరుప‌తి, విజ‌య‌వాడ‌, వైజాగ్‌, హైద‌రాబాద్‌, కాకినాడ‌లో త‌లా రెండు రోజుల వంతున ఆడిష‌న్స్ చేశాం. ఇప్పుడు కొత్త‌వారు ఎవ‌రూ ద‌ర్శ‌కుల‌ను నేరుగా క‌లిసే ప‌రిస్థితి లేదు. కొత్త నిర్మాత‌లు వ‌చ్చినా వారికి పెద్ద‌వాళ్ల‌తో త‌మ‌కు ప‌రిచ‌యాలున్నాయ‌ని చెప్పి మోసాలు చేసేవారు ఎక్కువ‌వుతున్నారు అన్నారు.

బావుంది

ఇలాంటి పరిస్థితుల నేప‌థ్యంలో ఈ వెబ్‌సైట్‌తో జ‌గ‌ప‌తిబాబు ముందుకు రావ‌డం ఆనందంగా ఉంది. ఈ ఆలోచ‌న ఎప్పుడో రావాల్సింది. జ‌గ‌ప‌తిబాబు నిబ‌ద్ధ‌త‌, క్ర‌మ‌శిక్ష‌ణ ఉన్న న‌టుడు. అలాంటి వారి వ‌ల‌నే ఇలాంటి ప‌నులు సాధ్య‌మ‌వుతాయ‌నిపించి న‌మ్మాను. మ‌న‌లోనూ చాలా మంది ప్ర‌తిభావంతులున్నారు. వారికి ఈ వేదిక ఉపయోగ‌ప‌డుతుంది`` అని అన్నారు.

జ‌యేష్ రంజ‌న్ మాట్లాడుతూ...

‘సినిమా ప‌రిశ్ర‌మ‌కు ఈ సైట్ మ‌రో నౌక‌రీ డాట్ కామ్ లాగా ఉప‌యోగ‌ప‌డాలి`` అని చెప్పారు.

ముర‌ళీమోహ‌న్ మాట్లాడుతూ...

`సినిమా ఎలా చేయాలో తెలియ‌క చాలా మంది చేతులు కాల్చుకుంటున్నారు. అలాంటి వారికి ఇది ఉత్త‌మ‌మైన వేదిక అవుతుంది. త‌న సినిమా ఫ్లాప్ అయినా దాన్ని ధైర్యంగా చెప్పుకోగ‌ల ధైర్యం ఉన్న న‌టుడు జ‌గ‌ప‌తిబాబు. ఆయ‌న చేసే ఈ ప్ర‌య‌త్నం విజ‌య‌వంతం కావాలి`` అని చెప్పారు.