Don't Miss!
- News కావ్య మారన్ ఆస్తులు ఎంతో తెలుసా - ఒక్కరే వారసురాలు..!!
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఇక్కడ నేను చేసిందే అక్కడ అమితాబ్ చేస్తున్నాడు: జగపతి బాబు
జగపతి బాబు గొంతు అరువు ఇచ్చిన బిగ్ ఎఫ్ జీ అనే హాలీవుడ్ సినిమా తెలుగు లో డబ్బింగ్ అయ్యి విడుదల కి సిద్దం గా ఉంది. ఒకప్పుడు జగపతి బాబు వాయిస్ ని చాలా మంది బాలేదు అన్నారట, కెరీర్ మొదట్లో తన వాయిస్ ని బాలేదు అంటూ ఉంటె ఆశ్చర్యంగా ఉండేది అంటున్నారు జగపతి బాబు. కొందరైతే నీ వాయిస్ విలకి సరిపోతుంది హీరో కి కాదు అంటూ నవ్వేవాళ్ళట.
ఈ చిత్రం జూలైలో విడుదలకు సిద్ధమవుతుంది. ఈ సందర్భంగా శనివారం ఏర్పాటు చేసిన పాత్రికేయుల సమావేశంలో.... జగపతి బాబు మాట్లాడుతూ స్పీల్ బర్గ్ దర్శకత్వంలో రూపొందిన ఈ హాలీవుడ్ చిత్రానికి నన్ను డబ్బింగ్ చెప్పమన్నప్పుడు చాలా ఎగ్జయిట్ అయ్యాను. చాలా హ్యాపీగా ఒప్పుకున్నాను.
" హీరో అయిన తరవాత కూడా చాలా కాలం పాటు నా గొంతు బాలేదు అనే వారు దాంతో వేరే వాళ్ళ మీద ఆధారపడాల్సి వచ్చింది నాకు. వేరే వారి గొంతు మీద ఆధారపడడం ఇబ్బందిగా అనిపించేది. కానీ కొన్నాళ్ళ తరవాత రామ్ గోపాల్ వర్మ మాత్రం నేనే వాయిస్ ని ఇవ్వాలి అని గాయం సినిమా టైం లో మొండిగా పట్టు బట్టి కూర్చున్నారు.
ప్రొడ్యూసర్ లు కూడా ఒద్దు అంటున్నా వినకుండా ఆయన తన పట్టు వదలలేదు. దాంతో గాయం సినిమాకి మొట్టమొదటి సారిగా నేనే డబ్బింగ్ చెప్పుకోవాల్సిన పరిస్థితి ఏర్పడింది. ఈ సినిమాకి డబ్బింగ్ చెప్పడం కోసం హాలీవుడ్ వారు సైతం నన్ను అడిగారు అంటే పరిస్థితి అర్ధం చేసుకోవచ్చు. ఆ తరవాత కాలం లో నా గొంతు నాకు చక్కగా సూట్ అయ్యింది. ఆరోజు వర్మ గనక నామీద నాకు నమ్మకం పెంచకపోయి ఉంటె ఎమయ్యేవాన్నొ" అంటూ తన మనసులో మాటని చెప్పాడు.
"ఇలాంటి ఓ డిఫరెంట్ వాయిస్ ఎలా ఇచ్చానో తెలియదు కానీ ఓ మ్యాజిక్లా జరిగిపోయింది. నా వాయిస్ వింటే నాకు కొత్తగా అనిపిస్తుంది. బాలీవుడ్లో అమితాబ్ ఈ పాత్రకు డబ్బింగ్ చెప్పారు. ఆయన డబ్బింగ్ చెప్పిన పాత్రకు నేను తెలుగులో డబ్బింగ్ చెప్పడం ఓ ప్రివిలేజ్గా భావిస్తున్నాను. నా కెరీర్ స్టార్టింగ్లో నాకే వేరే వాళ్ళు డబ్బింగ్ చెప్పేవాళ్ళు.
ఇప్పుడు నేను వేరే పాత్రలకు డబ్బింగ్ చెప్పడం అనేది ఓ మంచి అనుభూతినిచ్చిందని మాత్రం చెప్పగలను. రాంగోపాల్వర్మ గుర్తించనంతవరకు నా వాయిస్ను ఎవరూ గుర్తించలేకపోయారు" అంటూ కాస్త ఎగ్జట్ గానే మాట్లాడాడు ఈ విలనీహీరో జగపతి బాబు తెలుగు లో జగపతిబాబు డబ్బింగ్ చెప్పిన పాత్రకి హిందీ లో అమితాబ్ బచ్చన్ కూడా చెప్పడం విశేషం.