కరోనాకు కృతజ్ఞతలు చెప్పిన జగపతిబాబు.. ఎంత పెద్ద స్టార్ అయినా తగ్గాల్సిందే..

జాగ్రత్తలు తీసుకుంటూ..

గత ఏడాది కరోనా కారణంగా దాదాపు 8 నెలలు కొంతమంది నటీనటులు కెమెరా ముందుకు వెళ్లలేదు. షూటింగ్స్ చేయడానికి కంగారు పడ్డారు. ఇక సాధారణంగా మారిపోయిన క్రమంలో పాజిటివ్ భారిన పడిన వారు కూడా కొలుకొని యధావిధిగా షూటింగ్స్ లలో పాల్గొంటున్నారు. ఇక జగపతిబాబు కూడా తగిన జాగ్రత్తలు తీసుకుంటూ షూటింగ్ పనులను ముగించుకుంటున్నారు.

పాత్ర నచ్చితే తక్కువ రెమ్యునరేషన్

నటన కోసం ఎంత కష్టమైన ఇష్టంగా భరించే అతికొద్ది నటీనటులతో జగపతిబాబు ఒకరు. షూటింగ్ కు టైమ్ కు రావడమే కాకుండా అవసరమైతే ఎక్కువ సమయం కూడా కేటాయిస్తారు. పాత్ర నచ్చితే తక్కువ రెమ్యునరేషన్ ఇచ్చినా కూడా చేస్తారని ఇండస్ట్రీలో ఒక టాక్ అయితే ఉంది.

కోవిడ్ కు కృతజ్ఞతలు

ఇక కోవిడ్ అనంతరం నటనతో బిజీగా ఉన్న వారిలో జగపతిబాబు కూడా ఉన్నారు. అయితే కరోనా కోవిడ్ అనగానే కొంతమంది చాలా చిరాకు వస్తోంది. కానీ జగపతిబాబు మాత్రం ఆ మహమ్మారికి థాంక్స్ చెబుతున్నారు. అందుకు కారణం లేకపోలేదు. కరోనా టైమ్ లో చాలా వరకు సినీ స్టార్స్ అసిస్టెంట్స్ అవసరం లేకుండా ఎవరు పనులు వాళ్ళే చేసుకుంటున్నారు.

Recommended Video

Akhanda Vs Acharya Vs Narappa, హీరోల లుక్స్ కి ఫ్యాన్స్ ఫిదా !

మరొకరి అవసరం లేకుండా

ఇక జగపతిబాబు కూడా షూటింగ్స్ లో వీలైనంత వరకు మరొకరి అవసరం లేకుండా పనులను పూర్తి చేసుకుంటున్నారు. ఈ కరోనా కారణంగా సొంతంగా తనకు తానే మేకప్ మ్యాన్ గా మారిపోయానని ఒక ఫొటో కూడా షేర్ చేశారు. ఆ ఫొటో ప్రస్తుతం సోషల్ మీడియాలో వైరల్ గా మారింది. ఇక ఈ స్టార్ పుష్ప సినిమాలో ఒక ముఖ్యమైన పాత్రలో నటిస్తున్నాడు. అలాగే రిపబ్లిక్, మహాసముద్రం, లక్ష్య వంటి సినిమాల్లో కూడా కీలక పాత్రల్లో నటిస్తున్నారు.