‘జంబ లకిడి పంబ’ పబ్లిక్ టాక్ ఎలా ఉంది?

ఆడియన్స్ రెస్పాన్స్ ఎలా ఉంది?

ఆడియన్స్ నుండి.... సినిమా ఆశించిన స్థాయిలో లేదని, యావరేజ్ అనే టాక్ వినిపిస్తోంది. కామెడీ సీన్లు ఎక్కువగా పేలలేదని, అక్కడక్కడ మాత్రమే నవ్వు తెప్పించే సన్నివేశాలు ఉన్నాయని అంటున్నారు. అయితే శ్రీనివాసరెడ్డి పెర్ఫార్మెన్స్‌ బావుందనే టాక్ వినిపిస్తోంది.

స్టోరీ లైన్ ఏమిటంటే...

కథ విషయానికొస్తే వరుణ్ (శ్రీనివాస రెడ్డి) సాఫ్ట్‌వేర్ ఇంజనీర్, పల్లవి (సిద్ధి ఇద్నాని) ఫ్యాషన్ డిజైనర్ పాత్రలో నటించింది. ఈ దంపతుల మధ్య విబేధాలు రావడంతో లాయర్‌(పోసాని కృష్ణమురళి)ని ఆశ్రయిస్తారు. అయితే పోసాని మరణంతో కథ కొత్త మలుపు తిరుగుతుంది. ఆత్మగా మారిన పోసాని వరుణ్-పల్లవిలను కలపడానికి ప్రయత్నిస్తాడు. ఈ క్రమంలో అతడిని ఆమెగా, ఆమెను అతడిగా మార్చేస్తాడు. ఇద్దరి కలిపే క్రమంలో కామెడీ పండించే ప్రయత్నం చేశారు.

శ్రీనివాసరెడ్డి బాడీ లాంగ్వేజ్ సూపర్

లేడీ క్యారెక్టర్లో శ్రీనివాసరెడ్డి నటన, బాడీ లాంగ్వేజ్ ఆకట్టుకునే విధంగా ఉందని, అయితే సీన్లు మరింత బలంగా ఉంటే కామెడీ అదిరిపోయేదని అంటున్నారు. శ్రీనివాసరెడ్డి ఈ చిత్రానికి ప్రధాన బలం అనే టాక్ వినిపిస్తోంది. వెన్నెల కిషోర్, పోసాని పెర్ఫార్మెన్స్‌కు మంచి మార్కులు వేస్తున్నారు ప్రేక్షకులు.

జంబ లకిడి పంబ

న‌టీన‌టులు:
పోసాని కృష్ణ‌ముర‌ళి, వెన్నెల కిశోర్ ,స‌త్యం రాజేశ్‌, ధ‌న్‌రాజ్‌, ష‌క‌ల‌క శంక‌ర్‌, హ‌రి తేజ‌, రాజ్య‌ల‌క్ష్మి, హిమ‌జ‌, కేదారి శంక‌ర్‌, మ‌ధుమ‌ణి, మిర్చి కిర‌ణ్‌, జ‌బ‌ర్ద‌స్త్ అప్పారావు, స‌న‌, సంతోష్‌, గుండు సుద‌ర్శ‌న్‌, జ‌బ‌ర్ద‌స్త్ ఫ‌ణి త‌దిత‌రులు.

సాంకేతిక నిపుణులు:
సంగీతం: గోపీసుంద‌ర్‌, కెమెరా: స‌తీశ్ ముత్యాల‌, ఆర్ట్: రాజీవ్ నాయ‌ర్‌, ర‌చ‌న‌, ద‌ర్శ‌క‌త్వం: జె.బి.ముర‌ళీకృష్ణ (మ‌ను), నిర్మాత‌లు: ర‌వి, జోజో జోస్‌, శ్రీనివాస‌రెడ్డి.ఎన్‌., స‌హ నిర్మాత‌: బి.సురేశ్ రెడ్డి, లైన్ ప్రొడ్యూస‌ర్‌: స‌ంతోష్‌.