తెలంగాణ ప్రజల విజ్ఞత మరోసారి రుజువైంది: పవన్ కళ్యాణ్

తెలంగాణ ప్రజల విజ్ఞత మరోసారి రుజువైంది

తెలంగాణ ముందస్తు ఎన్నికల్లో అఖండ విజయం సాధించిన గౌరవనీయులు కె.చంద్రశేఖర్ రావుగారికి నా తరుపున, జనసేనప శ్రేణుల తరుపున హృదయపూర్వక శుభాభినందనలు తెలుపుతున్నాను. ఈ తీర్పుతో తెలంగాణ ప్రజల విజ్ఞత మరోసారి రుజువైంది.

తెలంగాణ తెచ్చిన కేసీఆర్‌కే పట్టం

తెలంగాణ కోసం త్యాగాలు చేసిన, తెలంగాణను తెచ్చిపెట్టిన తెలంగాణ రాష్ట్ర సమితికి, ఆ పార్టీ నాయకుడు కేసీఆర్‌కు తెలంగాణ ప్రజలు పట్టం కట్టి తమ మనసులోని మాటను మరోసారి చాటి చెప్పారు... అని పవన్ కళ్యాణ్ వ్యాఖ్యానించారు.

మీ ఇద్దరి సారథ్యంలోనే..

ఈ అఖండ విజయానికి సారధులైన కేసీఆర్ గారికి, ఆయన కుమారుడు కేటీఆర్ గారికి మనస్ఫూర్తిగా అభినందనలు తెలుపుతున్నాను. తెలంగాణ ప్రజల ఆశలు, ఆకాంక్షలను కేసీఆర్ గారు నెరవేరుస్తారన్న నమ్మకం నాలో సంపూర్ణంగా ఉంది.

హరీష్ రావు గురించి...

ఈ ఎన్నికలలో అత్యధిక మెజార్టీతో గెలుపుపొందిన శ్రీ హరీష్ రావు గారికి నా శుభాకాంక్షలు. విజయం సాధించిన ప్రతి ఒక్కరితో పాటు టీఆర్ఎస్ నాయకులు, కార్యకర్తలకు నా అభినందనలు అని పవన్ కళ్యాణ్ వ్యాఖ్యానించారు.