సంతోషంతో పాటు బాధ కూడా: పవన్ కళ్యాణ్ జ్ఞాపకాలు (ఫోటోలు)

అక్కడమ్మాయి ఇక్కడబ్బాయి

పవన్ కళ్యాణ్ హీరోగా పరిచయం అయిన చిత్రం ‘అక్కడ అమ్మాయి ఇక్కడ అబ్బాయి'. అక్టోబర్ 11, 1996న ఈ చిత్రం విడుదలైంది. ఈ చిత్రంలో పవన్ కళ్యాణ్ కు జోడీగా అక్కినేని నాగేశ్వరరావు మనవరాలు సుప్రియ నటించింది.

గోకుళంలో సీత

పవన్ కళ్యాణ్ రెండో చిత్రం ‘గోకుళంలో సీత'. 22 ఆగస్టు 1997న ఈచిత్రం విడుదలైంది. బాక్సాఫీసు వద్ద ఈచిత్రం మంచి విజయం సాధించింది. 11 సెంటర్లలో 100 రోజులు ఆడింది.

సుస్వాగతం

పవన్ కళ్యాణ్ నటించిన సుస్వాగతం చిత్రం జనవరి 1, 1998న విడుదలైంది. ఈ చిత్రంలో పవన్ కళ్యాణ్ కమర్షియల్ హీరో రేంజికి ఎదిగారు.

తొలి ప్రేమ

1998లో వచ్చిన రొమాంటిక్ కామెడీ చిత్రం ‘తొలి ప్రేమ' పవన్ కళ్యాణ్ కెరీర్‌ను మలుపు తిప్పింది. ఈ చిత్రం ఇతర బాషల్లోనూ అనువాదమైంది.

తమ్ముడు

1999లో వచ్చిన తమ్ముడు చిత్రం తెలుగు సినిమా చరిత్రలో ఓ బిగ్గెస్ట్ హిట్ చిత్రంగా నిలిచింది. తమిళం, కన్నడంలోనూ ఈచిత్రం రీమేక్ అయింది.

బద్రి

బద్రి సినిమా పవన్ కళ్యాణ్ కెరీర్లో ఓ మైలు రాయి. అప్పట్లో ఈచిత్రం 12 కోట్లు వసూలు చేసి సంచలనం సృష్టించింది. 47 సెంటర్లలో 100 రోజులు ఆడింది.

ఖుషి

పవన్ కళ్యాణ్ కెరీర్లో వచ్చిన మరో హిట్ చిత్రం ‘ఖుషి'. ఏప్రిల్ 27, 2001లో విడుదలైన ఈచిత్రం పవన్ కళ్యాణ్ కెరీర్లో మోస్ట్ సక్సెస్ ఫుల్ చిత్రంగా నిలిచింది. ఈ చిత్రం 101 సెంటర్లలో 50 రోజులు, 79 సెంటర్లలో 100 రోజులు, 5 సెంటర్లలో 175 రోజులు ఆడింది.

జానీ

పవన్ కళ్యాణ్ దర్శకుడిగా మారిన చిత్రం ‘జానీ'. 25 ఏప్రిల్, 2003లో ఈ చిత్రం విడుదలైంది. ఈ చిత్రం పవన్ కళ్యాణ్ కెరీర్లో బిగ్గెస్ట్ ప్లాపు చిత్రంగా నిలిచింది.

గుడుంబా శంకర్

గుండుంబా శంకర్ చిత్రం పవన్ కళ్యాణ్ కెరీర్లో మంచి గ్రాసర్ సాధించిన చిత్రంగా నిలిచింది.

బాలు

పవన్ కళ్యాణ్ నటించిన బాలు చిత్రం 8 సెంటర్లలో 100 రోజులు ఆడింది. ఈ చిత్రం అప్పట్లో 72 దేశాల్లో విడుదలైంది. ఆఫ్రికన్ దేశాల్లో విడుదలైన తొలి తెలుగు చిత్రం ఇదే.

బంగారం

మే 3, 2006లో విడుదలైన బంగారం చిత్రం పవన్ కళ్యాణ్ ప్లాపు చిత్రాల జాబితాలో చేరింది. బాక్సాఫీసు వద్ద పెద్దగా ఆడలేదు.

అన్నవరం

డిసెంబర్ 29, 2006లో విడుదలైన అన్నవరం చిత్రం అప్పట్లో మూడు వారాల్లో రూ. 23 కోట్లు వసూలు చేసింది.

జల్సా

త్రివిక్రమ్ శ్రీనివాస్ దర్శకత్వం వహించిన జల్సా చిత్రం పవన్ కళ్యాణ్ కెరీర్లో మరో బిగ్ సక్సెస్. 2008లో ఈచిత్రం విడుదలైంది.

పులి

పవన్ కళ్యాణ్ హీరోగా రూ. 40 కోట్ల బడ్జెట్ తో తెరకెక్కిన చిత్రం పులి. ఈ చిత్రం 2010 సెప్టెంబర్లో విడుదలైంది.

తీన్ మార్

పవన్ కళ్యాన్ హీరోగా తెరకెక్కిన మరో చిత్రం ‘తీన్ మార్'. 14 ఏప్రిల్, 2011లో విడుదలైంది.

పంజా

పవన్ కళ్యాణ్ నటించిన ‘పంజా' చిత్రం బాక్సాఫీసు వద్ద ఊహించిన ఫలితాలు మాత్రం సాధించలేక పోయింది.

గబ్బర్ సింగ్

పవన్ కళ్యాణ్ హీరోగా హిందీ దబాంగ్ చిత్రానికి రీమేక్‌గా వచ్చిన ‘గబ్బర్ సింగ్' చిత్రం బాక్సాఫీసు వద్ద సంచలన విజయం సాధించింది.

కెమెరామెన్ గంగతో రాంబాబు

బద్రి తర్వాత పవన్ కళ్యాణ్, పూరి జగన్నాథ్ కాంబినేషన్లో వచ్చిన చిత్రం ‘కెమెరామెన్ గంగతో రాంబాబు'. 18 అక్టోబర్ 2012లో విడుదలైన ఈచిత్రం అప్పట్లో 1600 స్క్రీన్లలో విడుదలైంది. అయితే కలెక్షన్ల పరంగా ఈచిత్రం ఊహించిన అంచనాలను అందుకోలేక పోయింది.

అత్తారింటికి దారేది

పవన్ కళ్యాణ్ కెరీర్లో, తెలుగు సినిమా చరిత్రలో అతిపెద్ద హిట్ చిత్రంగా నిలిచిన చిత్రం ‘అత్తారింకటికి దారేది'. ఈ చిత్రానికి త్రివిక్రమ్ శ్రీనివాస్ దర్శకత్వం వహించారు.