జాహ్నవి కపూర్‌‌ను చుట్టుముట్టిన ఫ్యాన్స్, అలా చేసినా సహించి...

తాకకూడని చోట తాకి ఇబ్బంది పెట్టిన వైనం

చుట్టూ చేరిన అభిమానులు జాహ్నవి కపూర్‌‌ను చూసి సందడి చేశారు. అయితే కొందరు ఆమెను తాక కూడని చోట తాకడంతో జాహ్నవి ఇబ్బంది పడినట్లు వీడియోలో స్పష్టంగా కనిపిస్తోంది. తన తల్లిలాగే శాంత స్వభావం గల జాహ్నవి ఏ మాత్రం కోపానికి రాకుండా ఆ ఇబ్బందిని సహిస్తూనే కారెక్కింది.

జాహ్నవికి మరింత సెక్యూరిటీ పెంచుతారా?

ఈ సంఘటన తర్వాత జాహ్నవికి సెక్యూరిటీ మరింత పెంచే అవకాశం ఉందని తెలుస్తోంది. జాహ్నవి విషయంలో ఆమె సోదరుడు, హీరో అర్జున్ కపూర్ స్పెషల్ కేర్ తీసుకుంటున్నారు. ఇటీవల మీడియాలో జాహ్నవి గురించి వచ్చిన కొన్ని ఛీప్ ఆర్టికల్స్ మీద అర్జున్ కపూర్ ఫైర్ అయిన సంగతి తెలిసిందే.

తల్లి విషాదం నుండి కోలుకుని

జాహ్నవి కపూర్ తన తల్లి శ్రీదేవి మరణానికి సంబంధించిన విషాదం నుండి కోలుకుని సినిమా షూటింగుల్లో బిజీ అయిపోయారు. ప్రస్తుతం జాహ్నవి ధడక్ మూవీలో నటిస్తున్న సంగతి తెలిసిందే. ఈ చిత్రం షూటింగ్ ప్రస్తుతం చివరి దశలో ఉంది.

ధడక్ మూవీ

ధడక్ చిత్రానికి ‘శశాంక్ ఖైతాన్' దర్శకత్వం వహిస్తున్నారు. మరాఠీ మూవీ సైరాట్ చిత్రానికి రీమేక్ గా రూపొందుతున్న ఈ చిత్రంలో జాహ్నవి, ఇషాన్ ఖట్టర్ జంటగా నటిస్తున్నారు. జులై 20న ఈ చిత్రం ప్రేక్షకుల ముందుకు రాబోతోంది.