విజయ్ దేవరకొండపై జాన్వీ కపూర్ హాట్ కామెంట్.. ఉదయం లేవగానే, కరణ్ జోహార్ ప్రశ్న!

విజయ్ దేవరకొండ గురించి

ఈ షోలో రాపిడ్ ఫైర్ లో భాగంగా కరణ్ జోహార్.. జాన్విని ఓ ప్రశ్న అడిగారు. ఒక రోజు ఉదయం నిద్రలేవగానే పురుషుడిగా మారిపోవాలంటే ఏ నటుడ్ని ఎంచుకుంటావు అని అడిగాడు. దీనికి జాన్వీ కపూర్ తడుముకోకుండా.. విజయ్ దేవరకొండ అంటూ సమాధానం ఇచ్చింది. అంతే కాదు తనతో సినిమా చేయాలనే కోరికని కూడా బయట పెట్టింది.

సెక్సీ స్టార్

జాన్వీ సమాధానం విన్న తరువాత కరణ్ జోహార్ విజయ్ దేవరకొండ గురించి మాట్లాడారు. విజయ్ దేవరకొండ అర్జున్ రెడ్డి చిత్రంతో స్టార్ గా మారాడని తెలిపారు. ఆ చిత్రాన్ని ప్రస్తుతం హిందీలో షాహిద్ కపూర్ రీమేక్ చేస్తున్న విషయాన్ని కూడా గుర్తు చేశారు. విజయ్ దేవరకొండ సెక్సీ సౌత్ ఇండియన్ స్టార్ అంటూ కరణ్ జోహార్ కితాబిచ్చేశారు. ఈ షోతో జాన్వీ కపూర్, విజయ్ దేవరకొండ చిత్రం గురించి సోషల్ మీడియాలో చర్చ మొదలైంది.

కరణ్ జోహార్ నిర్మాణంలో

టాక్సీవాలా చిత్ర ప్రమోషన్స్‌లో భాగంగా తాను కరణ్ జోహార్ ని ఆయన నివాసంలో కలిసినట్లు విజయ్ తెలిపాడు. ఇప్పుడు జాన్వీ కపూర్, కరణ్ జోహార్ ఈ సంచలన టాలీవుడ్ హీరోని ప్రశంసించడం చూస్తుంటే.. వీరి కాంబినేషన్ లో సినిమా రాబోతోందా అనే వార్తలు వస్తున్నాయి. తాను బాలీవుడ్ లో నటించడానికి కూడా సిద్ధం అంటూ విజయ్ దేవరకొండ ప్రకటించిన సంగతి తెలిసిందే.

దూసుకుపోతున్న టాక్సీవాలా

విజయ్ దేవరకొండ నటించిన టాక్సీవాలా చిత్రం ఏ మాత్రం అంచనాలు లేకుండా విడుదలై సంచలన విజయాన్ని నమోదు చేసుకుంది. దీనితో విజయ్ ఈ ఏడాది రెండవ విజయం అందుకున్నాడు. ప్రస్తుతం విజయ్ డియర్ కామ్రేడ్ చిత్రంలో నటిస్తున్న సంగతి తెలిసిందే. అతిలోక సుందరి కుమార్తె, విజయ్ దేవరకొండ చిత్రానికి ఎప్పుడు ముహూర్తం కుదురుతుందో చూడాలి.